Dyénésis 18:14 - Blaan Sarangani

¹⁴ Nun kè i làgu gagan nimò? Landè sa! Salngad ani bangan di fulé fali samfulê agu, du mngà Sara tingaan lagi.”

Dyénésis 18:14 Referans Kwoze

I Fye Tulen gablà ku Dyisas Krayst i Sulat Luk 1:37

du landè sa là gagan Dwata.”

Matyu 19:26

Na meye Dyisas di dale, na manan, “Landè to gmagan mimò ani, bay gagan Dwata i kdee.”

Mark 10:27

Na meye Dyisas di dale, na manan, “Landè to gmagan mimò ani, bay Dwata gmagan sa, du gagan Dwata kdee.”

Ifisus 3:20

Tooito dnayen Dwata, du fagu di gnaganan i mnè di gito, gmagan kenen mimò i mdatah fa di fniito na di fandamito.

Filifos 4:13

Du balù tan i mkel di deg di kdee dad gnagugu, gmagan agu dmawat dun, du Krayst Dyisas i tamgal deg.

Roma 4:21

du too kenen smalig gmagan Dwata dmohò i fakangan di kenen.

Matyu 14:31

Na gasil nagot Dyisas na nketan. Man Dyisas, “Tay, too tukay ksaligam! Kan ku lwe nawam?”

Salmo 95:3

Du Amuito Dwata i too mdatah Dwata, kenen i harì mdatah fa di kdee dademe dwata gusmalig i dad to.

Dyénésis 18:10

Kafnge én, man i satu di dad to tlang déén, dunan Dwata i Amu, manan, “Salngad ani bangan kadang di fulé fali, too agu samfulê na mngà yaanam Sara tingà lagi.” Na Sara kadì, tadag di gufusuk i slungla di gsen i kagol i to atù, na lingen i manan.

I Fye Tulen gablà ku Dyisas Krayst i Sulat Luk 1:13

Kabay man i kasaligan di kenen, “Sakaraya, nang ge likò, du talinge Dwata i dasalam, na Ilisabét, yaanam, mngà kenen kadang i tingà lagi, na én dagitam kenen Dyan.

Dyénésis 17:21

Kabay di tingaam lagi Isaak gudmohògu i fakanggu. Sut kenen di yaanam Sara salngad di bang ani, di gamtadol fali.”

Hibru 11:19

Na fandaman balù fnatin tingaan, gagan Dwata lêman mto kenen mdà di fati. Na sadi mto Isaak mdà di fati, du fan fnati i maan.

I Fye Tulen gablà ku Dyisas Krayst i Sulat Luk 8:50

Kabay linge Dyisas, na manan di ku Dyairus, “Nang ge likò. Alò ge fadlug faglut, na mgulê i tingaam.”

Filifos 3:21

Na di duh i kasfuléan tanlasan lawehito mlungay ani, na fbalingan salngad i kenen laweh too mgal. Ani nimoan, fagu di kgal tulusan i gmagan magot i kdee.

I Fye Tulen gablà ku Dyisas Krayst i Sulat Luk 1:18

Na smalek Sakaraya, manan, “Tan i gugmadègu na glut i manam, du tatua agu nan, na tatua yaangu?”

Matyu 3:9

Nangyu man, ‘Balù ku là gami msal là gami gakuf di flayam blé Dwata, du gami bel Abraham.’ Tulengu gamu i kaglutan, balù mdà di dad batu ani gagan Dwata mimò bel Abraham ku kayean tamlas gamu.

Salmo 93:1

Amugu Dwata i harì! Kamlaweh kenen i bong kdatahan na enegan, du toon fite di kgimoan i banwe; too mgagid i gufkahan dun, na là mgingok.

Salmo 90:13

E Amugu Dwata, kilen dé gusen i kalbutam gami? Kandom gami dad saligam!

Dyénésis 18:13

Na man Dwata i Amu di ku Abraham, “Tan dé duen Sara mulé na manan di nawan ku tan i kiboan mngà du tatoo tua nan?

Dyénésis 18:15

Na du likò Sara taman tmulen kéng, na manan, “Là agu mulé.” Kabay man Dwata, “Too glut mulé ge.”

Dyénésis 21:1

Na nun kafye blé Dwata ku Sara, du dnohoan i tafakangan di kenen.

Dyénésis 21:2

Hae, du mbaling kenen maltien. Kafnge én, nun tingaan di ku Abraham, balù tatoo tua nan, du tasut i tingàla na lagi. Na sut i tingaan too gaslà di bang i fakang Dwata ku Abraham.

Dyénésis 17:16

Banlégu kenen kafye na toota ge banlé i tingà lagi fagu di kenen. Banlégu kenen kafye na kenen sa mgimò yê i dee bung dad to. Na nun kadang mgimò harì mdà di dad belan.”