Dyénésis 16:13 - Blaan Sarangani

¹³ Na én kdagit Hagar i Dwata i Amu i talù di kenen, dunan, “Ge i Dwata i mifat deg.” Manan ani du snalekan di nawan, manan, “Teengu kè gine Dwata i mifat deg?”

Dyénésis 16:13 Referans Kwoze

Dyénésis 32:30

Taman dnagit Dyékob i banwe én dunan Finyél, du manan, “Tateengu baweh Dwata, bay knean là agu mati.”

Dad Fngewe 5:21

Du teen Dwata i kdee nimòyu, na balù nè i gusaluyu, teenan gamu.

Dad Fngewe 15:3

I kdee mgimò di klamang banwe teen Dwata, teenan i kdee nimoito balù fye ku demen sasè.

Dyénésis 16:7

Na nun kasaligan i Dwata smitong ku Hagar di satu sfuten di banwe landè to di kilil i dalan magu salu di banwe Sur.

Dyénésis 22:14

Dnagit Abraham i banwe atù na i gumtatek i dagitan dun, dunan, “Dwata i Amu sa Mlé”. Na balù di bang ani, nun mangman, “Di bulul Dwata, Dwata sa mlé.”

Dyénésis 28:17

Na likò kenen, na manan, “Tay, gamlikò i gumnègu ani. Ani i too glut gumnè Dwata na ani i gufusuk salu di langit.”

Éksodus 24:11

Balù teen i dad tua di dad bel Israél, Dwata, laan ale falmo. I kdeela kmaan na minum di muna i Dwata.

Dyénésis 32:31

Di ksut i duh, mdà Dyékob di Finyél na magu dà sag, du masléhê i fangkulan.