Dyénésis 15:5 - Blaan Sarangani

⁵ Na nebe kenen Dwata déén di lwà, na manan di kenen, “Neyem i langit, na nsem i dad blatik ku gaganam i mse dun. Na di satu duh kadang too dee dad belam salngad i kdee dad blatik atù.”

Dyénésis 15:5 Referans Kwoze

Hibru 11:12

Balù Abraham là gmagan fngà kenen, bay fbel fa Dwata bong dee dad belan i là gagan mse gambet i blatik di langit, na falak di kilil mahin.

Roma 4:18

Na balù too malima faglut, knean faglut Abraham na fangalan nawan fatan i knun tingaan fakang Dwata kenen, na mdà én mgimò kenen mà dee bung to, salngad i gman Dwata di kenen, manan, “Nun dee dad belam salngad i kdee dad blatik.”

Éksodus 32:13

Fandamam moon i fakangam di dad lifanam Abraham, Isaak, na Dyékob, i snafaam fagu di dagitam. Fakangam di dale i blém di dale too dee dad bella, i kdeela salngad kdee i dad blatik, na lê blém di dad bella i tanà i tafakangam, i fafunam dale kel di landè sen.” Én kafakdo Mosis di Dwata.

Dyénésis 22:17

Ani i fakanggu, toogu mlé i kafye di ge, na toota ge fbel. Na i dad belam kadang, salngad kdee i dad blatik di langit, na salngad kdee i dad falak di kilil i mahin. Satu duh gfisan i dad belam i dad to dmuen dale, na ale baling kadang magot i dad banwela.

Dyénésis 12:2

Na ditù di banwe atù kadang, toota ge fbel, na mbaling ale sbung dad to too mlabung, na banléta ge kadang kafye, na toogu fdengeg i dagitam, du fye lê ge gamlé kafye di dademem to.

Dyénésis 28:14

Dee kadang i belam salngad i kfung di tanà du là gse. Na satu duh mbel gamu ditù di gusut i duh, na di gusdaf i duh, ditù di gufdu i sabnal, na ditù di gufdu i balat. Na fagu di ge, na i dad belam blégu kafye di kdee dad to di klamang banwe.

Dyénésis 16:10

Na fadlug talù i kasaligan, manan, “Toogu fbel i belam satu duh kadang, na là ale gagan nse du too dee.”

Dyénésis 13:16

Toota ge fbel, i landè gmagan mse di tandà i kdeela, gambet kfung i tanà. Du mula fa mse i kfung di kse i dad belam.

Dyénésis 17:2

Na dnohògu i tafakanggu ge. Hae, toota ge fbel, du fye too dee dad belam.”

Dyénésis 32:13

Di kdasal Dyékob di Dwata, déén gukudangan di kilil yéél Dyabok di butang én. Na di kwalan, nalékan i dademe di dad lmanafan, du fye nun dad blén kadang di flanekan Isaw.