Dyénésis 14:19 - Blaan Sarangani

¹⁹ Na banlén kafye Abram, manan, “I Dwata Too Mdatah mlé kafye di Abram, i Dwata tamimò i langit na i klamang banwe.

Dyénésis 14:19 Referans Kwoze

Dyénésis 14:22

Kabay tmimel Abram, manan, “Tasmafà agu nan di Dwata i Amu, i Too Mdatah, i Mgimò i langit na i klamang banwe.

Ifisus 1:3

Na dnayenito Dwata i Mà Amuito Dyisas Krayst, du mdà di ksasatuito di ku Krayst bong kafyen gito, du gdawatito i kdee blé Tulusan mdà di langit.

Ifisus 1:6

Na dnayenito Dwata, du too bong kafyen blén di gito fagu di ku Dyisas i Tingaan toon kanbong nawa.

Matyu 11:25

Na di bang én dmasal Dyisas, manan, “E Mà, Amu magot i langit na tanà, mlé agu fye di ge du i bunim di dad to too fulung na i dad to mdatah gnadè, tafitem di dad to mdanà salngad i dad malnak ngà.

Salmo 24:1

I Amuito Dwata mfun i klamang banwe na i kdee mnè déén; i tanà ani na i kdee mto di tah tanà slame nfun Dwata.

Ruth 3:10

Na man Boas di kenen, “E Tuy, fye ku Dwata i Amu mlé di ge kafye, du di muna, toom kando i tewem libun Naomi, bay i kafye nimoam ani, mdatah fa di muna nimoam. Na gablà moon ku mngabal ge i lamnok lagi, balù landè knunan, bay knagolam i ge knayè.

Dad Nimò 16:17

Na i libun ani tatì mlalò gami, na laan tlag mkit, manan, “I dad to ani dad lifan i Too Mdatah Dwata, na i tulenla gamu i kibòyu galwà.”

I Fye Tulen gablà ku Dyisas Krayst i Sulat Luk 10:21

Na di bang én, too lehew Dyisas fagu di Mtiu Tulus, na dmasal kenen, manan, “E Mà, Amu magot i langit na tanà, mlé agu fye di ge, du i bunim di dad to too fulung na i dad to mdatah gnadè, tafgadeam di dad to mdanà salngad i dad malnak ngà. Hae, mgimò ani, du ani knayeam.

Salmo 115:16

I langit, alò Dwata mfun dun, bay i tanà, tablén di dad to.

Dyénésis 49:28

Na dad sfalò lwe dad ngà Dyékob, mbaling ale i sfalò lwe dad lumbuk di bel Israél. Na mni Dyékob di Dwata fye banlén ale kafye, i kafye i gablà di kat man satu dale, na én gman i màla di dale.

Dyénésis 47:10

Na lêman dmasal Dyékob, fye banlé Dwata kafye Faraon, na kafdu én, mdà kenen di muna i harì.

Dyénésis 47:7

Kafnge én, nebe Dyosif i maan Dyékob di muna Faraon. Na dmasal Dyékob fye banlé Dwata kafye Faraon. Na di kdasal Dyékob ku Faraon,

Dyénésis 27:4

Na tnagam kadang én ktaga i toogu kayè, na nebem dini di deg du knaangu. Kafngegu kmaan, mni agu di Dwata, du fye mlé kenen kafye di ge. Ani kayègu nimò di là agu fa mati.”

Mark 10:16

Na lkaf Dyisas i dad ngà, na fkahan kmalan di ulula du banlén ale kafye.

Dyénésis 24:3

Kayègu ku makang ge di deg, fagu di dagit Dwata di langit, na di tanà, di kafngabalam kadang i yaan i tingàgu lagi, là ge meye i libun mdà di banwe Kanaan i gumnègu ani.

Salmo 115:15

I Dwata mimò i langit na tanà, fye moon ku mlé kenen kafye di gamu.