Dyénésis 14:13 - Blaan Sarangani

¹³ Kabay kadì nun satu to galwà, na tnulenan Abram i Hibru, gablà di kdee ani gine. Du bang ani, mnè Abram mdadong di malbang dad kayu nfun Mamri, i satu to mdà di sbung to dnagit ku Amori. Na Mamri ani nun lwe flanekan lagi dnagit ku Éskol na Anér. Abram na i tlu ani gal ale stabeng.

Dyénésis 14:13 Referans Kwoze

Dyénésis 13:18

Kafnge én, mili Abram mdadong di gunun dad malbang kayu Mamri di banwe Hibron, na mnè déén. Na lêman mimò i gudamsù, du mangamfù kenen di Dwata.

Dyénésis 14:24

Landè falus nwègu du nfungu. Én alò gdawatgu i tagkaan i dad togu, na én i làgu fulê. Kabay mni agu alel du blégu di dad to magin deg dunan Anér, Éskol, na Mamri.”

Dyénésis 40:15

Hae, du tì agu tangal mdà di mawag banwe i gumnèmi gami dad to Hibru, na balù landè mgimògu sasè dini, bay knean dini agu bnilanggù di banwe Idyif.”

Filifos 2:5

Fye ku i fandamyu salngad i fandam Krayst Dyisas, na ani sa dunan:

2 Korintu 11:22

Na simto dad to ani? Du ku fdagla i ktola du ale dad to Hibru, deg sa to Hibru. Na ale kun dad bel Israél. Deg sa i bel Israél. Na ale kun i dad bel Abraham. Na deg sa i bel Abraham.

Dyona 1:9

Na tnimelan ale, manan, “Deg sa to Hibru, na i fnangamfùgu Dwata i Amu, i Dwata di langit, i mimò i mahin na tanà.”

Éksodus 2:11

Satu duh, di taktua Mosis, nlauyan i dad ton Hibru, na teenan nleges ale fimò i too blat nimò. Na léan teen i satu to di dad ton Hibru too fatduk i to Idyif kel di kfatin.

Éksodus 2:6

Di kukal tingà Faraon i balyas teenan i tingà kamwak. Na kandon i tingà ani, na manan, “I tingà ani kè Hibru.”

Dyénésis 43:32

Stani i dad gukmaanla, du mahal i lamisa Dyosif, na i dad flanekan lê mahal i dale lamisa, na lê mahal i lamisa i gukmaan i dad to di Idyif, i dademela kmaan, du i dad to di Idyif ani, i ukumla là ale mayè kmaan di saféd i dad to Hibru, du too sasè di dale.

Dyénésis 41:12

Na nun satu sawang lagi Hibru ditù, lifan i ulu i dad sundalu gal munung i bong gumneam ani gbol di gami. Na tulenmi kenen i knami, na nubadan di gami.

Dyénésis 39:14

tlon i dad dademe lifan i mimò di gumnean, na manan di dale, “Neyeyu, i to Hibru tanebe i yaangu dini, fyaan gami. Fusuk kenen di sibaygu gine, du kayean mimò i knayean di deg, bay mkit agu.

Dyénésis 18:1

Satu duh, msut Dwata i Amu di ku Abraham di gunun malbang kayu nfun Mamri di ltu i duh klon sudeng di gufusuk di slungan.

Éksodus 3:18

Fadlug talù Dwata di ku Mosis, manan, “Di kaklinge i dad ulu i dad bel Israél i manam, too ale kadang flinge ge. Kafnge én, faginam ale kadang salu di harì di Idyif. Na ani i manyu kenen kadang, manyu, ‘Dwata i Amu, i Dwata fnangamfù dad Hibru, tamsut di gami. Na tabyà, faloham gami beg salu di banwe gulandè to, i tlu butang nagu, du damsù gami di kenen.’ Én manyu kadang di ku Faraon.