Dyénésis 13:15 - Blaan Sarangani

¹⁵ I klamang tanà teenam, én i blégu ge na di dad belam kel di landè sen.

Dyénésis 13:15 Referans Kwoze

Dyénésis 12:7

Na déén gumsut Dwata i Amu di ku Abram, na manan di kenen, “Ani i tanà blégu kadang di dad belam.” Taman déén gumimò Abram i gudamsù i dad lmanaf, du blé di Dwata i msut di kenen.

Dyénésis 15:18

Hae, du di duh én, Dwata i Amu makang ku Abram, na manan, “Ani i fakanggu, satu duh blégu di dad belam i klamang tanà ani, mdà di yéél di banwe Idyif kel di bong yéél Yufratis.

Dad Nimò 7:5

Na di duh én, landè fa knun blé Dwata di ku Abraham, balù tukay tanà landè. Kabay fakang Dwata fafunan kenen i tanà ani kel di dad belan, balù di bang én landè fa tingaan.

Salmo 37:29

Gfun i dad to matlu i banwe fakang Dwata dale, na én i gumnèla kel di landè sen.

Salmo 37:22

Du dad to gumlé Dwata i kafye, dale gamfun i banwe fakang Dwata dale; bay i dad to knangan nawa, falwaan ale di banwe én.

Matyu 5:5

Nun kafye i dad to fdanà i ktola, du gdawatla i tafakang Dwata di dale.

Éksodus 33:1

Lêman talù Dwata i Amu di ku Mosis, manan, “Tnagakam i banwe ani, ge na i dad to tanebem lamwà di Idyif, na salu gamu ditù di banwe i tafakanggu ku Abraham, Isaak, na Dyékob. Hae, du fakanggu dale i tanà én, du blégu di dad bella.

Dyénésis 48:4

Hae, du manan di deg, ‘Toota ge fbel, du fye i dad belam mgimò i bong lumbuk i dad to, na blégu dale tanà ani, na nfunla kel di landè sen.’ Ani gman Dwata di deg.

Dyénésis 28:13

Na teenan Dwata i Amu, tadag di tah i yaut na talù, manan, “Agu sa Dwata i Amu, Dwata i fuam Abraham na Dwata i maam Isaak. Blégu ge na i dad belam kadang i tanà gumileam ani.

Dyénésis 28:4

Na blén moon kafye di ge, na di dad belam i salngad kafye fakangan ku Abraham i fuam, du fye kadang di satu duh, gamu sa mfun i banwe i flo gumneito ani, i banwe gablé Dwata ku Abraham.”

Dyénésis 24:7

Hae, du di muna fa, Dwata i Amu, i Dwata di langit, mdek deg tmagak i dad gaked i màgu, na i banwe gusutgu, na too kenen makang deg i kenen mlé i klamang tanà ani di dad belgu. Taman, Dwata sa febe kadang i kasaliganan malak ge di kagum, du fye ditù gumitem i libun yaan i tingàgu.

Dyénésis 18:18

du i dad belan too dee kadang, na mbaling sbung dad to too mdatah, na banlégu kafye i kdee bung dad to di klamang banwe du mdà di kenen.

Dyénésis 13:17

Na mdà ge nan na lanngabam i klamang tanà ani, du ani blégu ge.”

Dyénésis 15:7

Lêman man Dwata, “Agu Dwata i Amu, mdek ge lamwà di banwe Ur di Kaldi, du fye blégu ge i klamang tanà ani.”

Dyénésis 28:14

Dee kadang i belam salngad i kfung di tanà du là gse. Na satu duh mbel gamu ditù di gusut i duh, na di gusdaf i duh, ditù di gufdu i sabnal, na ditù di gufdu i balat. Na fagu di ge, na i dad belam blégu kafye di kdee dad to di klamang banwe.

Dyénésis 50:24

Na satu duh, man Dyosif di dad flanekan, “Na mdadong nan i bang kfatigu, bay là gamu fbayà i Dwata. Hae, dnohoan i fakangan di dad gutambulito Abraham, Isaak, na Dyékob, du tnabengan gamu na neben gamu kadang, mdà di banwe ani salu di banwe tafakangan i dad belito.”

Éksodus 32:13

Fandamam moon i fakangam di dad lifanam Abraham, Isaak, na Dyékob, i snafaam fagu di dagitam. Fakangam di dale i blém di dale too dee dad bella, i kdeela salngad kdee i dad blatik, na lê blém di dad bella i tanà i tafakangam, i fafunam dale kel di landè sen.” Én kafakdo Mosis di Dwata.