Dyénésis 12:8 - Blaan Sarangani

⁸ Mdà déén, fadlug ale Abram salu di dad bulul gsen di gusut i duh mdadong di banwe Bétél, du mlawig di gutngà i banwe Bétél na banwe Ay. I banwe Bétél i gsen di gusdaf i duh, na i banwe Ay i gsen di gusut i duh. Na déén lêmanan nimò i gudamsù di Dwata i Amu, na mangamfù kenen di Dwata.

Dyénésis 12:8 Referans Kwoze

Dyénésis 4:26

Kafnge én, gamwè yaan Sét na mngà ale lagi, na dnagitan ku Inos. Na di bang ani, tambù i dad to dmasal na mangamfù di Dwata.

1 Korintu 1:2

Na snulatmi gamu dad faglut di Dwata déén di banwe Korintu, gamu tambaling dad ton, mdà di ksasatuyu ku Dyisas Krayst. Tanalékan gamu makuf di dademe dad faglut di kdee banwe, i mangamfù di Amuito Dyisas Krayst, du Dyisas Krayst i Amula.

Dyénésis 28:19

Na dnagitan i banwe ani Bétél, du i muna dagit i banwe ani dunan Lus.

Dyénésis 13:4

sablà i gumimoan i gudamsù. Kakelan déén mangamfù kenen di Dwata i Amu.

Dad Nimò 2:21

Na di duh én kadang, balù simto mni tabeng di Dwata i Amu, galwà ale.’ ” Én man Dwata fagu di ku Dyol.

Salmo 116:4

Na taman tamlo agu du ftabeng agu di Amugu Dwata, mangu, “E Amu, fakdogu di ge, begam agu falwà!”

Hibru 11:9

Di kakelan di banwe i fakang Dwata kenen, toon fnaglut blé Dwata kenen di satu duh, taman balù di bang én landè too mbangal gumnean mnè kenen déén alò di tukay slung. Na i dad demen mnè dunan i tingaan Isaak, na i fuan Dyékob i dademe gumlé Dwata fakangan.

Dyénésis 8:20

Di kagalwà Nowa di aweng, santifunan i dad batu, du mimò kenen i gudamsuan di Dwata i Amu. Kafnge én, nwean kat satu bung lmanaf na kat satu bung anuk di bnas i fakay dsù di Dwata, na sduléan snakuf, du dsuan di Dwata.

Dyénésis 13:3

Di kdaan di banwe Négéb, fadlug magu di sahal banwe. Kafnge én, kel di banwe Bétél di muna gumnean di gutngà i banwe Bétél na Ay,

Dyénésis 13:18

Kafnge én, mili Abram mdadong di gunun dad malbang kayu Mamri di banwe Hibron, na mnè déén. Na lêman mimò i gudamsù, du mangamfù kenen di Dwata.

Dyénésis 22:9

Kakella di sablà i gman Dwata, mimò Abraham i gudamsù na toon fanse samlasud i dutung di tah i gudamsuan di Dwata. Kafnge én, nagotan Isaak na bnakusan kenen, na filean di tah i dutung.

Dyénésis 33:20

Na déén di tanà ani gumimoan i gudamsuan di Dwata, na dnagitan Él Élohi Israél, dunan i Dwata Israél.

Éksodus 17:15

Kaklinge Mosis i gman Dwata, fdakan i satu gudamsù di Dwata, na dnagitan i gudamsù ani, Dwata i Amu i gumdà i katumi.