Dyénésis 12:2 - Blaan Sarangani

² Na ditù di banwe atù kadang, toota ge fbel, na mbaling ale sbung dad to too mlabung, na banléta ge kadang kafye, na toogu fdengeg i dagitam, du fye lê ge gamlé kafye di dademem to.

Dyénésis 12:2 Referans Kwoze

Galasya 3:14

Na nsò ito Krayst, du fye i kafye fakang Dwata ku Abraham lê gablé di dad to ise Dyu, fagu di ku Krayst Dyisas, du fye mdà di kafaglutito di kenen gamdawatito i Mtiu Tulus fakangan.

Dyénésis 18:18

du i dad belan too dee kadang, na mbaling sbung dad to too mdatah, na banlégu kafye i kdee bung dad to di klamang banwe du mdà di kenen.

Dyénésis 46:3

Na man Dwata, “Agu i Dwata, i Dwata i maam. Na nang ge likò salu di Idyif, du ditù kadang toogu fbel gamu, na gamu mgimò kadang i satu bung dad to too mlabung.

Dyénésis 24:35

Too mablé Dwata i Amu kafye i amugu na mgimò kenen to nun. Banlén kenen dee dad bilibili, dad kambing, dad baka, dad salafì, dad blawen, dad lifan, dad kamél, na dad dongki.

Galasya 3:7

Na fye ku glabatyu, i kdee dad to faglut di ku Dyisas Krayst dale i too glut bel Abraham.

Éksodus 1:7

Kabay i dad bel Dyékob dnagit dad bel Israél, too mbel, na mgimò ale i bong lumbuk i dad to. Na i tanà gumilila déén di Idyif, mbaling too fnò i dad bella.

Dyénésis 13:16

Toota ge fbel, i landè gmagan mse di tandà i kdeela, gambet kfung i tanà. Du mula fa mse i kfung di kse i dad belam.

Dyénésis 15:5

Na nebe kenen Dwata déén di lwà, na manan di kenen, “Neyem i langit, na nsem i dad blatik ku gaganam i mse dun. Na di satu duh kadang too dee dad belam salngad i kdee dad blatik atù.”

Éksodus 32:10

Na fbayaam agu, du falmogu ale, du too dminè i kaflabègu dale. Kafnge én, ge na dad belam toogu fbel, fye mbaling gamu mgimò i sbung dad to too mlabung.” Én gman Dwata di ku Mosis.

Dyénésis 28:14

Dee kadang i belam salngad i kfung di tanà du là gse. Na satu duh mbel gamu ditù di gusut i duh, na di gusdaf i duh, ditù di gufdu i sabnal, na ditù di gufdu i balat. Na fagu di ge, na i dad belam blégu kafye di kdee dad to di klamang banwe.

Dyénésis 27:29

Na lêmangu fni di Dwata ku fdanaan i dee dad to di ge, na toola ge nafè, na ku ge moon mebe kadang i kdee dad bel i dad flanekam, na kdee i dad bel i yéam. Na fanlayam Dwata i kdee dad to madoy ge, na banlén kafye i kdee dad to fafye ge.”

Dyénésis 19:29

Kabay di kafalmo Dwata i dad banwe di bong datal én, gafaldaman Abraham, taman falwaan Lat di kafalmon i banwe gumnean, du fye là mati.

Roma 4:11

Silang ftulì Abraham di tafaglut kenen di Dwata. I kaftulian alò ilè tanlifet Dwata salaan, na tagmanan matlu kenen di kiten. Taman Abraham tambaling mà i kdee dad to faglut di Dwata, du balù là ale ftulì matlu ale di kite Dwata, du mdà di kafaglutla di kenen.

Dyénésis 18:19

Tamgalékgu Abraham, du fye tdoan i dad ngaan na i dad belan kibòla mimen deg, fagu di kimòla fye na matlu. Na ku én nimòla, dnohògu i kdee fakanggu di kenen.”

Dyénésis 24:1

Midul i duh, midul i butang, na tatoo tua nan Abraham, na too kenen mablé Dwata i Amu kafye di kdee nimoan.

Salmo 107:38

Na toon ale fbel fagu di dee kafye blén dale, na kel di dad lmanafla, landè gukulangla.

Dyénésis 17:20

Lingegu i kafakdom gablà ku Ismaél, taman blégu di kenen kadang i kafye na banlégu kenen dee dad ngà na dee dad belan. Na i sfalò lwe di dad belan mgimò kadang dad ulu. Na mgimò i dad belan i satu bung dad to too mlabung.