Dyénésis 1:14 - Blaan Sarangani

¹⁴ Kafnge én, mdek Dwata, manan, “Ani nun dad mneng msut di langit, du fye samtani i mduh di butang. Én i mlé ilè gugmadè i dad duh, na i dad fali, na i dad bang mangamfù di Dwata.

Dyénésis 1:14 Referans Kwoze

Dyénésis 8:22

Hae, du di klo fa nun banwe, nun bang kafla na kaktu, na bang tno na minit, na bang landè ulen na nun ulen, na bang mduh na butang.”

Matyu 24:29

Na man Dyisas, “Kafnge i dad kaflayam én, mbaling kifu i duh, na là nan mneng i bulen, na tatek i dad blatik mdà di langit, na gasyat i kdee mnè di langit di tagnè dalanla.

Tafite 6:12

Na kafnge én, lanket i Tingà Bilibili i gnam fadkat. Na di kimoan ani nun too bong linol, na i duh mbaling fitam salngad i safut too fitam, na i bulen mbaling fulè gambet litè.

Matyu 2:2

“Tanè gumnè i tingà falami sut, én mgimò kadang harì i dad Dyu? Tateenmi di gusut i duh i blatik ilè kakelan. Taman salu gami dini du mangamfù di kenen.”

Dyénésis 9:13

Fkahgu lawélawé ditù di dad labun, na ani ilè i fakanggu di kdee dad to mnè di tah i tanà.

Tafite 8:12

Na kafnge én, nyuf i gfat kasaligan i kenen twang. Na kagyufan dun nun tadè di duh, bulen, na dad blatik. Taman magwà i knengla. Magwà i gatlu alel kneng i duh na bulen, na magwè i kneng di gatlu alel di kdee blatik. Mdà én nun fat uras di sduh là mneng, na nun fat uras di butang landè mneng.

I Fye Tulen gablà ku Dyisas Krayst i Sulat Luk 23:45

du talà mneng i duh, na matngà kasê i bong kurtina safang i sibay i too mdatah gumangamfù di Dwata ditù di Bong Gumnean.

Mark 13:24

Na man fa Dyisas, “Na di dad duh kafnge i dad kaflayam atù, ‘mbaling kifu i duh, na là nan mneng i bulen.

Tafite 9:2

Na di kagalwan dun, lamwà i too bong buk mdà di sol ani salngad i buk gal lamwà mdà di bong gumnè i lifoh. Na mdà di bong buk ani kmifu i tanà, du maglidung i buk i kneng i duh.

Dyénésis 1:13

Na mlius i butang, na mlius i mduh, na tafnge i gatlun duh.

Dyénésis 1:15

Na dad mneng ani i msut di langit, du mneng na mlé kalwa di tanà.” Di kagmanan ani gasil mgimò.

Salmo 150:1

Dnayenyu i Amuito Dwata! Dnayenyu Dwata ditù di Bong Gumnean; dnayenyu kenen di mgagid gumnean ditù di langit.