Dyénésis 1:1 - Blaan Sarangani

¹ Di katbuan, Dwata mimò langit na banwe.

Dyénésis 1:1 Referans Kwoze

Hibru 11:3

Na gito, mdà di kafaglutito di Dwata, gadeito balù tan i teenito dini, mgimò Dwata fagu alò di taluan. Taman glabatito i kdee teenito mgimò mdà di laito teen.

Tafite 4:11

“Amumi Dwata, ge too gablà dmawat i kdayen, kafè, na glal, du ge tamimò i kalbong kdee, na mdà di knayeam i kdee tamgimò.” Ani lingag i dad lwe falò fat ulu.

Hibru 1:10

Na manan fa di Tingaan, manan, “Amu, di katbuan, ge sa mimò i tanà ani, na mdà di kmalam nimoam i langit na kdee mnè ditù.

Éksodus 20:11

Klo nam duh agu, Dwata i Amu, mimò i langit, tanà, mahin, na kdee i fkahgu di mgimògu ani, bay kel di gfitun duh, tlag agu nan mimò, du tafnge i kdee mgimògu. Taman, du landè nimògu di gfitun duh, nimògu i duh ani too mabtas, du i duh ani kafaldamyu dagu.

Dad Nimò 17:24

“Kenen sa Dwata mimò i klamang banwe, na kdee mnè dini di tah tanà, kenen mimò dun. Na du kenen Amu i kdee di tah langit na di tah tanà, là kenen mnè di dad gumnè gumangamfù nimò i dad to.

2 Fiter 3:5

Kabay balingla nlifet, di muna fa fagu alò di talù Dwata, mgimò i langit na tanà, na yéél imoan i tanà, na fsutan i tanà mdà di yéél.

Salmo 33:9

du fagu alò di tnaluan mgimoan i banwe; fagu alò di kdekan tanun kdee mgimoan.

Dad Fngewe 3:19

Mgimò Dwata klamang tanà mdà di kfulungan, na mdà di bong gnadean tafkahan langit ditù di tah.

Tafite 14:7

Na falbongan i taluan, manan, “Tooyu nafè Dwata na dnayenyu i kdatahan, du takel i bangan mukum i kdee dad to. Tooyu fnangamfù kenen i mimò kdee, langit, tanà, mahin, na i dad yéél.”

Salmo 115:15

I Dwata mimò i langit na tanà, fye moon ku mlé kenen kafye di gamu.

Dad Nimò 14:15

“E gamu dad to di Listra, kan ku ani nimòyu? Gami sa alò to salngad gamu. I duenmi salu dini du tamdò gami i Fye Tulen gablà ku Dyisas Krayst, du fye knagolyu i dad dwata i landè gukmamu, na smalig gamu di Dwata i too mto, dunan i mimò i langit, i tanà, i mahin, na kdee mnè di lamla.

1 Korintu 8:6

Kabay gito dad faglut di ku Dyisas mahal, du gadeito alò satu glut Dwata, dunan Maito Dwata, i tamgimò i kdee di tah tanà, na i kdee di tah langit, du fye kenen gumangamfuito. Na gadeito nun alò satu Amuito, dunan Dyisas Krayst. I kdee mgimò Dwata nimoan fagu di ku Dyisas, na mdà di kenen nun falami nawaito.

Salmo 8:3

Di galgu keye di langit, i tanimoam fagu di bong kfulungam, i bulen na blatik tafkaham di gugkahla,

Hibru 3:4

Hae, gadeito ku nun gumnè, nun to mimò dun, na i mimò i kdee dunan Dwata.

Salmo 124:8

I tmabeng gito dunan i Amuito Dwata, i mimò i langit na tanà.

Hibru 1:2

Kabay di fulé ani fgadè Dwata i tnaluan di gito fagu di Tingaan Dyisas Krayst. Na fagu di kenen, mgimò Dwata i kdee na kenen gumlén dun.

Dad Fngewe 16:4

Nun tafandam Dwata gufkelan i kdee mgimoan, na balù i dad to sasè nun gukella dunan i kalmola.

Salmo 33:6

Fagu alò di tnaluan mgimò Amuito Dwata i langit, duh, na bulen, na i kdee blatik.

Salmo 121:2

Én tmabeng deg, dunan i Amugu Dwata, i mimò i langit na tanà.

Salmo 104:24

E Amugu Dwata, tay, bong kdee i dad mgimoam! Too bong kfulungam mimò i kdeela; na too fnò i klamng banwe i dad mgimoam.

Salmo 96:5

I kdee dademe dwata fnaglut i dad to, dunan i dad ise glut dwata; bay Amuito Dwata, kenen i mimò kdee di langit.

Tafite 10:6

Na smafà kenen fagu di dagit Dwata i landè gusenan, mimò i langit na kdee mnè déén, na i tanà na kdee mnè déén, na i mahin na kdee mnè déén, na manan, “Talandè guganggà i fan mkel ani.

Roma 11:36

Du tamgimoan sa i kdee, na kenen magot i kdee, na fagu di kdee tamgimoan magdayen kenen. Taman too ito dmayen kenen kel di landè sen. Amén.

Dad Nimò 4:24

Di kaklingela i kdee, sasatu ale dmasal di Dwata, manla, “E Amu Magot i Kdee, ge mimò i langit, tanà, mahin, na i kdee mnè di lamla.

Salmo 90:2

Di là fa mgimò i dad bulul na balù i tanà na i banwe ani, ge sa i Dwata landè gumdà na landè gusen.

Tafite 22:13

Agu sa gutambù i kdee, na agu fakay mnge i kdee. Hae, agu tagnè mdà di kagatbuan na kel di landè sen.

1 Dyan 1:1

Smulat gami gablà ku Dyisas Krayst i dnagit Tnalù i gumdà falami nawa. Tagnè nun kenen mdà di là fa mgimò i banwe, na talingemi i taluan, na tateenmi na tagagotmi kenen.

Mark 13:19

Hae, du balù tan ksasè i dad kaflayam mkel mdà di kimò Dwata i banwe kel di duh ani, na balù kel di landè gusenan, landè gasngad i ksasè ani.

Salmo 104:30

Kabay di kfebem i Tulusam mimò i dademe, nun lêman mto di tah tanà.

Tafite 21:6

Na ani fa manan, “I kdee tagdohò nan. Agu gutambù i kdee na agu alò fakay mnge i kdee, agu tagnè mdà di kagatbuan kel ani, na kel di atuan landè gusengu. Na banlégu yéél dad to malinum, dunan i yéél mlé nawa landè sen na làgu fbayad dale.

Ifisus 3:9

Dek agu Dwata, du fangadègu di kdee dad to i kiboan dmohò i tafandaman di muna fa. Na Dwata i mimò i kdee, fandà di kimoan i banwe, bunin na laan lmen fgadè,

Tafite 3:14

Na ani man Dyisas di deg, “Ani sulatam di kasaligan Dwata mifat i dad faglut di banwe Lawdisya. Manam di dad to faglut, ‘Nun man i to too gsalig du kdee manan slame glut, na kenen i gumdà i kdee dad tanimò Dwata.

Matyu 11:25

Na di bang én dmasal Dyisas, manan, “E Mà, Amu magot i langit na tanà, mlé agu fye di ge du i bunim di dad to too fulung na i dad to mdatah gnadè, tafitem di dad to mdanà salngad i dad malnak ngà.

Éksodus 31:18

Di kafnge Dwata i Amu tmulen i kayean tulen di ku Mosis ditù di bulul Sinay, blén di kenen i lwe kufil batu i gugsulat dad flaloan, kenen i too smulat dun.

Salmo 8:4

gamsalek agu i ktogu ku tan i duenam gal faldam i dad to, na tan i duenam mifat dale, du alò to sa.