Dyan 9:35 - Blaan Sarangani

³⁵ Linge Dyisas na tafalwàla i to fanguléan mdà di gusatdòla. Na di kiten dun snalekan kenen, manan, “Faglut ge di Tingà To?”

Dyan 9:35 Referans Kwoze

Dyan 20:31

Kabay tasulatgu kdee ani, du fye faglut gamu na Dyisas i Krayst, én Mgalék Dwata, na Tingà Dwata. Na fagu di kafaglutyu di kenen gamfun gamu nawa landè sen.

1 Dyan 5:13

Na smulat agu di gamu dad faglut di Tingà Dwata, du fye tooyu gadè tanun nawayu landè sen.

Dyan 10:36

na kan ku manyu fdanàgu i kdatah Dwata di kmangu agu i Tingaan, du agu sa i Mgalék Mà dekan dini di tah tanà?

1 Dyan 5:20

Na gadeito Dyisas Tingà Dwata fbaling to dini di tah tanà, du faglabatan gito du fye gadeito i too glut Dwata. Taman ani, sasatu ito di Dwata na di ku Dyisas Krayst Tingaan. Kenen sa i too glut Dwata na gumdà nawa landè sen.

1 Dyan 5:10

Ku simto too faglut Dyisas Tingà Dwata, tatoon gadè di nawan i kaglut. Kabay simto i là faglut i man Dwata gablà di Tingaan, tafankéngan Dwata, du laan faglut i fgadè Dwata gablà di Tingaan.

1 Dyan 5:5

Simto kè gmagan misan i kdee sasè? Alò i to faglut Dyisas Tingà Dwata, gmagan misan i kdee sasè dmuen kenen.

1 Dyan 4:15

Na ku simto tmulen di demen to, Dyisas Tingà Dwata, tamnè Dwata di kenen, na tasasatu kenen di Dwata.

Roma 10:20

Na mbangal fa Tnalù Dwata fagu di ku Isaya du manan, “I dad to là mngabal deg, mite deg, na balù là ale smalek gablà di deg, fitegu di dale ku simto agu.”

Roma 1:4

Gablà ku Dyisas Krayst i Amuito, kenen Dwata, du tafgadè di gito kenen sa Tingà Dwata fagu di kgal i tulus Dwata di ktékan kenen mdà di fati.

Dad Nimò 9:20

Na tambù kenen tamdò di gusatdò i dad Dyu, na i tdoan Dyisas Krayst i too glut Tingà Dwata.

Dad Nimò 8:36

Na slengla magu kel ale di satu yéél, na man i ganlal, “Neyem, nun sa yéél dini. Fakay dé ku bnunyagam agu?”

Dyan 20:28

Na tmimel Tomas, “Ge Amugu na Dwatagu.”

Dyan 11:27

Tmimel Marta, manan, “Hae Amu, fnaglutgu ge i Tingà Dwata, dunan Krayst i Mgalék Dwata fakangan fsalu dini di tah tanà.”

Dyan 6:69

Tafaglut gami di ge, du gadèmi ge sa i To Landè Salà dek Dwata sanfatanmi.”

Dyan 5:14

Kafnge én, teen Dyisas i to én déén di Bong Gumnè Dwata, na manan di kenen, “Neyem, tamgulê ge! Na nang ge lêman mimò sasè ken matnù i ksasè mkel di ge.”

Dyan 3:36

Na balù simto faglut di Tingà Dwata gamdawat nawan landè sen, bay ku simto là mimen i Tingà Dwata là gamdawat nawan landè sen, bay mnè kenen di kalbut Dwata kel di landè gusenan.”

Dyan 1:34

Taman du tateengu i gman Dwata di deg tulengu gamu, to ani Tingà Dwata.”

Dyan 1:18

Landè to lmen mite Dwata, bay i sen Tingaan, du lê kenen Dwata na i too kanbong nawa i Maan, na fgadean di gito i kagkah i maan.

Mark 1:1

Ani kagatbù i Fye Tulen gablà ku Dyisas Krayst Tingà Dwata.

Matyu 16:16

Na tmimel Simon Fiter, manan, “Ge sa i Krayst, i Mgalék Dwata mebe i kagotan. Ge sa Tingà i too mto Dwata.”

Matyu 14:33

Na i dademen di lam i aweng, mangamfù ale di kenen, na manla, “Too glut kadì ge i Tingà Dwata!”

Salmo 27:10

Du balù fa tatnagak agu i màgu na yêgu, Amugu Dwata i dmawat na mifat deg.

Salmo 2:12

Tooyu fdanà i ktoyu di kenen du fye laan gamu kalbut, na fye laan gamu fles fnati; du ken mlal kel di gamu i kalbutan. Kabay i dad to fdadong di kenen, du kenen i guflidungla too nun kafyela.

Salmo 2:7

Na man i harì mgalékan, “Tulengu i gman Dwata di deg. Én i gmanan di deg, ‘Ge i tingàgu, na di duh ani tafdatahta ge du tafgadègu agu i maam.’

Matyu 4:3

Na fdadong di kenen Satanas du tnilewan, na manan, “Ku ge Tingà Dwata, fanbalingam fan dad batu ani.”

Dyan 9:22

Én man i dad tuan, du likò ale i dad ganlal i dad Dyu, du satu nawala di kmanla na ku simto mangman na Dyisas i Mgalék Dwata, làla kenen faloh fusuk di gal gusatdò.

Dyan 9:34

Na manla di kenen, “Tdoam gami kè? Blaam tagnè ge to too gamsalà mdà di ksutam!” Taman falwàla kenen di gusatdòla.

3 Dyan 1:10

Taman di klauygu gamu kadang, tulengu gamu i kdee nimoan, na gablà di sasè manan gablà di gami, na i dad kakakéng tulenan. Là alò ani, bay di ksalu i dademe dad faglut déén laan ale dnawat. Na ku nun beg mayè dmawat dale balingan ale fnang, na kayean falwà ale di kastifunyu.

Dad Nimò 8:37

Na man Filif di kenen, manan, “Fakayta ge sa bnunyag ku faglut ge mdà di nawam.” Na tmimel i ganlal, manan, “Hae, faglut agu Dyisas Krayst i too glut Tingà Dwata.”