Dyan 8:43 - Blaan Sarangani

⁴³ Kan ku làyu glabat i mangu? I duenan du fbakong gamu du làyu gagan flinge dun.

Dyan 8:43 Referans Kwoze

Dyan 5:43

I kaglutgu salu dini di gamu du dek i Màgu Dwata, bay làyu agu dnawat. Kabay ku nun dademe to salu dini di gamu du mdà alò di dale knayè, baling én dnawatyu.

Dyan 7:17

Nè i to mayè mlalò i knayè Dwata gmadè sa ku i tdògu mdà di Dwata ku demen mdà alò di deg fandam,

Dad Nimò 7:51

Na fadlug talù Stifan, manan, “Tay, too mgal sa uluyu, du làyu fkah di nawayu i man Dwata di gamu, na là gamu flinge kenen. Salngad gamu i dad gutambulyu, du galyu knang i Mtiu Tulus Dwata.

Dyan 6:60

Di kaklinge i dad mlalò ku Dyisas i tdoan ani, man dee di dale, “Too malima i tdoan ani. Simto kè gamdawat dun?”

Dyan 8:27

Kabay làla glabat na i manan mdek kenen dunan i Maan Dwata.

Dad Fngewe 28:5

I dad to sasè, là ale gamlabat i katlu nimò di dademe to, bay i dad to mayè gmadè knayè Dwata too ale gamlabat.

Roma 3:11

Landè to gamlabat i kaglut, na landè to too mngabal Dwata.

Matyu 13:15

du i dad to ani, tatoo mgal ulula, na gambet snafangla i klingela, na fnidangla matala, du fye là ale mite na là ale flinge, du ku là, gamlabat ale i kaglutan, na tagakla i dad sasè nimòla, du fye fangulêgu ale di dad salàla.’

Dyan 5:25

“Tulengu gamu i kaglutan, tamdadong nan i duh, na tadini sa nan, linge i dad to mati di salàla i tnalùgu, agu i Tingà Dwata, na i dad to mlinge na mimen i tnalùgu banlé falami nawa.

Dyan 8:33

Na manla di kenen, “Gami dad bel Abraham, na là gami lmen lifan di balù simto. Kan ku manam galwà gami di kaglifanmi?”

Dyan 8:39

Na tnimella kenen, manla, “Abraham i màmi.” Kabay man Dyisas di dale, “Ku glut gamu dad ngà Abraham, taganbetyu moon i nimoan.