Dyan 8:37 - Blaan Sarangani

³⁷ Gadègu gamu dad bel Abraham, bay knean kayèyu agu fnati, du làyu dnawat i tnalùgu.

Dyan 8:37 Referans Kwoze

1 Korintu 2:14

Du i to là faglut, là sa mnè Tulus Dwata di nawan, na laan gdawat i tdò mdà di Tulus Dwata, du landè sa gukmamun dun. Na laan glabat, du alò Tulus Dwata i gmagan mubad dun di kenen.

Roma 9:7

Ise ku kdee dad bel Abraham too glut dad ngà Dwata, taman ise ku kdeela kadang gamdawat dad fakangan. Du di muna, man Dwata ku Abraham, manan, “Alò i bel tingaam Isaak dnilègu i too glut dad belam.”

Dyan 7:1

Kafnge én, lamngab Dyisas di banwe Galili. Laan mayè lamngab di banwe Dyudiya du i dad ganlal dad Dyu déén mayè mati kenen.

Dyan 8:59

Kagman Dyisas ani, mulut dad Dyu batu du fanla kenen tnudà. Kabay flidung Dyisas, na fles lamwà di Bong Gumnè Dwata.

Dad Nimò 13:26

Na fadlug talù Fol, manan, “Dad flanekgu, gamu dad bel Abraham, na gamu dad ise Dyu too mafè Dwata, gito sa i gufgadè Dwata gablà di kagalwà.

Dyan 8:43

Kan ku làyu glabat i mangu? I duenan du fbakong gamu du làyu gagan flinge dun.

Dyan 11:53

Na taman mdà di duh én, stulen dad ulu i dad Dyu du mngabal kfagu mati ku Dyisas.

Dyan 7:19

Blé gutambulito Mosis di gamu i dad flalò Dwata, bay landè satu di gamu gamlalò dun du ku lalòyu kan ku mayè gamu mati deg?”

Dyan 10:31

Kaklinge dad Dyu ani, mulut ale batu du fanla kenen tnudà,

Dyan 8:6

I duenla man ani du tnilewla Dyisas du kayèla banlé kenen salà. Kabay kudung Dyisas, na sulatan i tnaloan di tanà.

Dyan 7:25

Na nun dad to déén di Dyérusalém di kaklingela i gman Dyisas smalek ale, manla, “Ise ani dé i to fanngaballa du kayèla fnati?

Dyan 5:44

Tan i kibòyu faglut du én tooyu knayè i kdayen mdà di demeyu to, ise i kdayen mdà di too glut Dwata.

Matyu 13:15

du i dad to ani, tatoo mgal ulula, na gambet snafangla i klingela, na fnidangla matala, du fye là ale mite na là ale flinge, du ku là, gamlabat ale i kaglutan, na tagakla i dad sasè nimòla, du fye fangulêgu ale di dad salàla.’

Dyan 8:33

Na manla di kenen, “Gami dad bel Abraham, na là gami lmen lifan di balù simto. Kan ku manam galwà gami di kaglifanmi?”

Matyu 3:9

Nangyu man, ‘Balù ku là gami msal là gami gakuf di flayam blé Dwata, du gami bel Abraham.’ Tulengu gamu i kaglutan, balù mdà di dad batu ani gagan Dwata mimò bel Abraham ku kayean tamlas gamu.

Dyan 8:56

I gutambulyu Abraham too lehew du teenan i duh ksalugu dini. Na di kiten dun too kenen lehew.”

1 Dyan 2:14

Na gamu dad tua lagi, smulat agu di gamu, du tagadèyu Dyisas Krayst i tagnè di là fa mgimò i klamang banwe. Na gamu dad lamnok lagi, smulat agu di gamu, du tamgal i kafaglutyu, na mnè Tnalù Dwata di nawayu, na du tagfisanyu Satanas, i gumdà i sasè.