Dyan 5:39 - Blaan Sarangani

³⁹ Tooyu gal ganbet i Tnalù Dwata du man nawayu mdà déén nun nawayu landè sen. Na blaam i Tnalù Dwata i tmulen gablà di deg.

Dyan 5:39 Referans Kwoze

I Fye Tulen gablà ku Dyisas Krayst i Sulat Luk 24:27

Na tambù kenen di sulat Mosis na i dademe dad tugad Dwata, na nubadan di dale i kdee man di Tnalù Dwata gablà di kenen.

I Fye Tulen gablà ku Dyisas Krayst i Sulat Luk 24:44

Kafnge én, manan di dale, “Ani sa dad gmangu di gamu di lamgu fa di safédyu, du tafgadègu di gamu, na là fakay ku là gdohò i kdee sulat gablà di deg di Tnalù Dwata, dunan di dad flalò sulat Mosis na sulat i dademe dad tugad Dwata, na sulat fa di Salmo.”

Dad Nimò 17:11

Na i dad Dyu di banwe Biriya fye fa ldamla di ldam i dad to di banwe Tésalonika, du too ale mayè flinge na dmawat i tdò Fol. Na klit i duh toola neye i Tnalù Dwata du fye gadèla ku glut i tdoan.

Matyu 22:29

Na tnimel Dyisas, manan, “Gsalà i fandamyu du làyu gadè i Tnalù Dwata na làyu gadè i kbong tulusan.

Dad Nimò 13:27

Du i dad to mnè di Dyérusalém na i dad ganlalla, làla gadè ku Dyisas i To Falwà, na làla glabat i dad sulat tugad Dwata galla bnasa di klit Duh Kaftud. Kabay di kukumla ku Dyisas di fati tagdohòla i sulat i dad tugad Dwata.

Dyan 5:46

du ku faglut gamu i man Mosis lê gamu faglut di deg du agu sa i gman Mosis di dad sulatan.

Roma 3:2

Nun sa. Muna di kdee di gito dad Dyu i gusmalig Dwata i Tnaluan.

Mark 12:10

Làyu kè gbasa i gman Dwata di Tnaluan? Manan, ‘I batu knang i dad to fdak i gumnè batu, du di dale fandam landè kamu dun, én baling i batu too mabtas di kdee.

Tafite 19:10

Kafnge én, lkuad agu di muna i kasaligan du fan agu mangamfù di kenen. Kabay balingan man di deg, “Nang ge mangamfù di deg, du alò agu salig Dwata gambet ge na dad flanekam tmulen i kaglut gablà di ku Dyisas. Alò Dwata gumangamfuam.” I kaglut tagtulen gablà di ku Dyisas én sa i tafgadè di dad tugad Dwata.

Roma 1:2

I Fye Tulen ani tafakang Dwata di muna fa, na fsulatan i dad tugadan di Tnaluan.

Dad Nimò 26:27

Harì Agrifa, faglut ge dé i gman dad tugad Dwata? Gadègu faglut ge.”

Dyan 7:52

Na tmimel i dademen ganlal, manla, “Kan ku nsenam kenen? Lê ge kè mdà di Galili? Ku toom ganbet i Tnalù Dwata, gadeam landè tugad Dwata mdà di Galili!”

Dyan 5:32

Kabay nun fa satu tmulen gablà di deg, na i man Màgu too glut.

Dyan 5:36

“Kabay nun fa fgadè gablà di deg mdatah fa di ktulen Dyan, dunan i dad nimò tafimò Mà deg. Hae, i kdee dad mgimògu én i tmulen na i Mà i mdek deg.

Salmo 16:11

Ge i tamdò deg i dalan mfun falami nawa; i kafdadongam, én gumdà ksikof i klehewgu, na i tabengam gumdà i kafye landè gusenan.

I Fye Tulen gablà ku Dyisas Krayst i Sulat Luk 16:31

“Kabay man Abraham, ‘Ku là ale mimen i man Mosis na i dad tugad Dwata, là ale mgebe balù nun mték mdà di fati.’ ”

Dad Fngewe 6:23

Du i kafngewe ani, salngad i saloam tmuyal i dalanam, na i kngakla, tamdò ge i kiboam mebe i ktom.

Hibru 11:16

Kabay i fanngaballa i banwe mdatah fa di banwe tagakla, dunan banwe di langit. Na taman Dwata là myà di kmanla kenen Dwatala, du tatnagaan ale banwe gufnean dale.

Kolosas 3:16

Tooyu fkah di nawayu i kdee tdò Krayst, na satdò na safngewe gamu fagu di kfulung blé Dwata gamu. Mlingag gamu lingag i dmayen Dwata, i dad salmo, na i dad lingag fgadè Tulus Dwata di gamu, na mlé bong fye di kenen mdà di klehew i nawayu.

I Fye Tulen gablà ku Dyisas Krayst i Sulat Luk 16:29

“Kabay man Abraham, ‘Tanun di dale i dad flalò blé Dwata fagu di ku Mosis na i sulat dad tugad Dwata, fye ku fanlingela i manla.’

Dyan 1:45

Na fanngabal Filif satu to dnagit ku Natanyél, na manan, “Tateenmi i to man Mosis di libru gusmulatan i dad flalò Dwata, na gman i dademe tugad Dwata, dunan Dyisas mdà di banwe Nasarét, i tingà Dyosif.”

Salmo 1:2

Kabay én too gaflehew kenen i flalò Amuito Dwata; saflas mduh na butang galan fandam i flaun.

Hibru 11:35

Na nun dademe dad libun di muna, fagu di kafaglutla di Dwata, balù mati dad ngàla, nun di dale nto Dwata lêman. Na nun dademe dad faglut di Dwata di muna, makfè na bnilanggù. Kabay balù nun too mlayam dale kel di kfatila, là ale tmagak i kafaglutla du fye galwà ale, du faglut ale mto ale lêman di kafye kagkahla, mdatah fa di kagkahla di tah tanà.

I Fye Tulen gablà ku Dyisas Krayst i Sulat Luk 24:25

Na man Dyisas di dale, “Tay, là gamu fulung faldam, na too gamu léét faglut i kdee gman dad tugad Dwata!

Dyan 5:40

Kabay knean là gamu mayè faglut di deg du fye moon gfunyu nawa landè sen.

Mark 10:3

Na smalek Dyisas, manan, “Tan i flalò Mosis?”