Dyan 4:15 - Blaan Sarangani

¹⁵ Na man i libun di kenen, “Banlém agu i yéél manam én, du fye là agu lêman malinum, na fye là agu lêman samfulê dini du smulu.”

Dyan 4:15 Referans Kwoze

Dyan 6:34

Na manla di kenen, “Amu, galam gami banlé i knaan én, kel di landè sen.”

Roma 8:5

I dad to mgebe i sasè knayè, én alòla fandam i klalòla i dad sasè knayèla. Na ku mgebe ale i dad sasè knayèla, fanlayam ale kadang di fati landè gusenan. Kabay i dad to mgebe Tulus Dwata, én alòla fandam i klalòla i knayean di dale. Na ku mgebe Tulus Dwata i fandamla, nun nawala landè sen na nun ktanak nawala.

Roma 6:23

I untung i kimò salà dunan fati landè gusenan, bay i blé Dwata landè bayad dunan nawa landè gusenan fagu di ku Krayst Dyisas Amuito.

Dyan 6:26

Na tmimel Dyisas, manan, “Tulengu gamu i kaglutan, i duenyu mngabal deg ise ku gamlabat gamu i dad tnikeng tateenyu, bay du bsol gamu mdà di fan i gkaanyu.

Salmo 4:6

Dwata, dee to gal mni di ge, manla, “Simto dé kamdo gami? Kandom gami moon, Amumi Dwata, na banlém gami i kafye.”

1 Dyan 5:20

Na gadeito Dyisas Tingà Dwata fbaling to dini di tah tanà, du faglabatan gito du fye gadeito i too glut Dwata. Taman ani, sasatu ito di Dwata na di ku Dyisas Krayst Tingaan. Kenen sa i too glut Dwata na gumdà nawa landè sen.

Dyém 4:3

Na balù fniyu di Dwata, laan blé di gamu, du sasè kafniyu du fsaluyu di sasè kibalyu.

1 Korintu 2:14

Du i to là faglut, là sa mnè Tulus Dwata di nawan, na laan gdawat i tdò mdà di Tulus Dwata, du landè sa gukmamun dun. Na laan glabat, du alò Tulus Dwata i gmagan mubad dun di kenen.

Dyan 4:16

Na man Dyisas di kenen, “Mdà ge. Nngém yaanam, na samfulê gamu dini.”

Dyan 6:35

Na man Dyisas di dale, “Agu sa i knaan mlé nawa, na ku simto salu di deg laan lêman bitil, na ku simto faglut di deg laan lêman malinum.