Dyan 3:19 - Blaan Sarangani

¹⁹ I duen Dwata mlayam i dad to ani, du tasalu agu, i salò, dini di tah tanà, bay én balingla too knayè i kifu, na knangla i kalwa, du sasè i nimòla.

Dyan 3:19 Referans Kwoze

Dyan 8:12

Na lêman talù Dyisas, manan, “Agu i salò lamwa i fandam dad to di tah tanà. Balù simto dad to mlalò deg là nan magu di gukmifu du nun mneng di dale gumdà falami nawa.”

2 Tésalonika 2:12

du fye fanlayam Dwata i kdee là faglut i kaglut, bay flehew di kimòla salà.

Roma 2:8

Kabay nun dademe dad to, alòla fandam i dale knayè, na knangla i kaglut, du fye baling ale mlalò i ise glut. Na là alò tukay kaflabè fite Dwata di dale, bay baling too blat i flayaman dale.

Dyan 12:43

Hae, landè manla, du i toola kayè i kdayen dad to mdatah fa di kdayen Dwata dale.

Roma 1:32

Balù tagadèla ku nimòla i dad sasè ani gine, nun flayam Dwata dale landè gusenan, knean fadlug ale di nimòla. Na là alò én, bay too ale lehew ku teenla i demela to mimò salngad i dale nimò.

Dyan 5:44

Tan i kibòyu faglut du én tooyu knayè i kdayen mdà di demeyu to, ise i kdayen mdà di too glut Dwata.

2 Fiter 3:3

Funa, too mabtas ku gadèyu ku mdadong gusen i banwe, kel i dad to madoy. Lalòla i sasè knayèla, na nadoyla gamu,

Dyan 1:4

Na i Tnalù ani, kenen i gumdà nawa balù i tan, na i gumdà nawa ani, kenen i salò lamwa fandam i dad to.

I Fye Tulen gablà ku Dyisas Krayst i Sulat Luk 12:47

“Na nè i salig gmadè knayè i amun, bay laan fatlagad, na laan nimò knayè i amun, toon fatduk.

1 Fiter 2:8

Na lêmanan man, “I batu ani gugsindul i dad to, i batu gutlaabla.” Tagnè fandam Dwata gsindul ale na tlaab, du là ale mimen Tnaluan.

Dyan 7:7

Là gamu knang nawa i dad to mlalò knayè i banwe, bay knangla agu nawa du fgadègu i ksasè i dad nimòla.

Dyan 7:17

Nè i to mayè mlalò i knayè Dwata gmadè sa ku i tdògu mdà di Dwata ku demen mdà alò di deg fandam,

I Fye Tulen gablà ku Dyisas Krayst i Sulat Luk 16:14

Na mlinge i dad Farisi i kdee man Dyisas ani, taman snilola kenen, du too bong nawala filak.

Dad Fngewe 2:13

Dad to én, tagakla i matlu na malwa dalan, na magu ale di gukmifun.

Dyan 1:5

Na i salò ani tmuyal di gukmifun na i kakifu là gamfisan i knengan.

Dyan 9:5

Na di klogu fa dini, agu sa i salò lamwa i fandam i dad to di tah tanà.”

Dyan 12:31

Takel nan i duh kukum Dwata i dad to dmuen kenen, na kfisan ku Satanas, to magot i tanà ani.

Dyan 12:46

Agu i salò salu di tah tanà du lamwa fandam i dad to, du fye i kdee dad to faglut di deg là nan fadlug mnè di kifu.