Dyan 20:9 - Blaan Sarangani

⁹ Kabay làla fa glabat i gsulat di Tnalù Dwata, mték Dyisas mdà di fati.

Dyan 20:9 Referans Kwoze

Salmo 16:10

du balù mnè agu di agot i fati laam agu bayà; laam tnagak i Mtiu To toom kando di lbang.

1 Korintu 15:4

Di kafnge Dyisas mati, lbangla kenen, na di gatlun duh nto Dwata mdà di fatin, ani sa tafsulat Dwata.

I Fye Tulen gablà ku Dyisas Krayst i Sulat Luk 24:26

Làla kè man, na là fakay ku là maflayam i Mgalék Dwata di kdee ani, di là fa kenen banlé i kdatahan?”

Matyu 22:29

Na tnimel Dyisas, manan, “Gsalà i fandamyu du làyu gadè i Tnalù Dwata na làyu gadè i kbong tulusan.

Dyan 2:22

Na taman di kték Dyisas mdà di fati gafaldam i dad gal mlalò kenen i gmanan ani, na fnaglutla i gsulat di Tnalù Dwata gablà di ktékan, na i gman Dyisas ani.

I Fye Tulen gablà ku Dyisas Krayst i Sulat Luk 9:45

Kabay là ale gamlabat i gumtatek i manan du gbuni di dale, fye làla glabat dun, na likò ale smalek kenen i gumtatekan.

Salmo 22:15

Na i bkakonggu too kafag salngad di kfung, na damkat dilàgu di laflalgu. Ani i kagkahgu du gambet tatnagakam agu di kfung, di agot i fati.

Dad Nimò 2:24

Kabay nték sa kenen Dwata na falwaan mdà di fati, du là gmagan i fati magot kenen.

Dad Nimò 17:3

Na faglabatan na fiten i kaglutan mdà di Tnalù Dwata, na là fakay ku là magu Krayst i To Mgalék Dwata di kaflayam, na mati na mték kenen mdà di fati. Na manan di dale, “Dyisas i tdògu di gamu ani, kenen sa i To Mgalék Dwata galyu fatan.”