Dyan 18:17 - Blaan Sarangani

¹⁷ Na smalek i libun munung i takab, manan di ku Fiter, “Ise ge kè satu di dad gal mlalò to én?” Man Fiter, “Ay, ise deg!”

Dyan 18:17 Referans Kwoze

Dyan 21:15

Di kafngela kmaan man Dyisas di ku Simon Fiter, “Simon, tingà Dyan, too bong nawam deg mdatah fa di kalbong nawa dademem deg?” Na manan, “Hae Amu, gadeam bong nawagu ge.” Na man Dyisas, “Ku bong nawam deg nifatam dad ngà bilibiligu.”

Dyan 18:25

Na déén fa Fiter di gumnalangan, na nun dademe to déén manla di kenen, “Ise ge kè satu gal mlalò to én?” Na malew Fiter, manan, “Ise deg sa.”

Dyan 18:16

Kabay Fiter, tadag di lwà di saféd i takab. Na taman lamwà i dilè i gumdatah dad bà di Dwata na stulen di libun munung i takab, na neben Fiter di lam.

I Fye Tulen gablà ku Dyisas Krayst i Sulat Luk 22:54

Kmanan ani, kanfèla Dyisas, na nebela kenen salu di gumnè i gumdatah i dad bà di Dwata. Na mlalò Fiter dale, bay fawag di fulé.

Matyu 26:33

Na man Fiter di ku Dyisas, “Balù mila i kdee dademe, bay làta ge tagak.”

Dad Nimò 12:13

Di kgafat Fiter di gumnè Méri, tmutuk kenen di takab di lwà du mbal fusuk. Na nun satu libun gal dek déén, dnagit ku Roda, salu ditù du neyen ku simto kel.

Dyan 18:8

Na man Dyisas, “Tagmangu di gamu gine, agu dunan. Ku agu sa fanngabalyu, falohyu dademegu mdà.”

Dyan 18:5

Na tmimel ale, manla, “Dyisas mdà di Nasarét!” Na man Dyisas, “Agu sa dunan.” Na déén Dyudas, i to mangkal kenen, tadag déén di safédla.