Dyan 14:31 - Blaan Sarangani

³¹ bay én nimògu i fimò Mà deg, du fye gadè i kdee dad to ku tan kalbong nawagu ku Mà. Na taman tadag gamu. “Mdà ito nan.”

Dyan 14:31 Referans Kwoze

Dyan 10:18

Landè to fakay gamfati deg, bay mati agu kadang du mdà sa di deg knayè. Nun kaglutgu mlé i ktogu di fati, na nun kaglutgu mawì dun du ani i dek Mà deg.”

Filifos 2:8

Na di kafbalingan to, toon fdanà fa i kton, na nimenan i kdee knayè Dwata kel di kfatin di krus.

Dyan 12:49

du i mangu ise mdà di deg knayè, bay mdà di knayè Màgu i mdek deg na fgadè deg i mangu na tdògu.

Dyan 4:34

Na man Dyisas di dale, “Én deg knaan dunan i kimengu i knayè Mà, i mdek deg, na i kafngegu i fimoan deg.

I Fye Tulen gablà ku Dyisas Krayst i Sulat Luk 12:50

Kabay nun bunyag dnawatgu, dunan i kaflayam fangu nagu. Na là manak i nawagu kel di kagdohò dun.

Dyan 15:9

“Salngad kakdo Mà deg i kakdogu gamu, taman too gamu mnè di kakdogu.

Salmo 40:8

E Dwatagu, too agu lehew mimen i knayeam; tafkahgu i flaloam di lam nawagu.”

Dyan 18:11

Na nngak Dyisas Fiter, manan, “Fuléam di lumaan i sundangam. Man nawam kè ku làgu dnawat kaflayam blé Mà deg?”

Dyan 12:27

Na man Dyisas, “Too msamuk i nawagu! Tan i fye mangu? Ku fnigu di ku Mà, fye falwaan agu di kaflayam fan kel, là sa fye, du i kaflayam ani i duengu salu dini.”

Matyu 26:39

Na salu kenen di là too mawag, na tatì kenen lamfan di tanà na dmasal, manan, “E Mà, gaganam i kdee, taman begam nwè i kaflayam fangu nagu ani. Kabay balù én i deg knayè, toom dnohò i ge knayè.”

Matyu 26:46

Mték gamu du mdà ito. Neyeyu, tadini i to mangkal deg.”

Dyan 13:1

Alò sbutang gdè klo kel i fista Duh Kaglius. Na gadè Dyisas takel i bangan tmagak i banwe du samfulê ditù di Maan. Mdà di katbuan too bong nawan i dad ton dini di tah tanà, na di gusenan ani toon fite i kalbong nawan dale.