Dyan 13:2 - Blaan Sarangani

² Na di kakaan ale Dyisas i knaan flabi, tafala fkah Satanas di fandam Dyudas Iskariyot, tingà Simon, fye mangkal ku Dyisas.

Dyan 13:2 Referans Kwoze

Dad Nimò 5:3

Na smalek Fiter di kenen, manan, “Ananayas, kan ku fagotam Satanas i nawam, na tmulen ge kéng di Mtiu Tulus Dwata fagu di kbusekam i dademe gweam mdà di tanàyu?

Tafite 17:17

Hae, gamgimò ale én, du Dwata fkah dun di nawala, du fye gdohò i knayean. Taman sasatu nawala mlé i glalla magot di bong kanlikò kel di kagdohò i dad tnalù Dwata.

Ifisus 2:3

Na salngad i kneito di muna, du nimenito i sasè knayè i lawehito na fandamito. Na du én sa i kagkahito, gakuf ito di kaflabè Dwata.

2 Korintu 8:16

Bong fye di Dwata, du tatoo nun ayè Titus tmabeng gamu salngad i ayèmi.

I Fye Tulen gablà ku Dyisas Krayst i Sulat Luk 22:31

Na man Dyisas di ku Simon Fiter, “E Simon, tambal Satanas du kayean too gamu tnilew du neye ku simto di gamu landè kafaglut di deg.

I Fye Tulen gablà ku Dyisas Krayst i Sulat Luk 22:3

Di bang ani, fusuk Satanas di nawa satu di dad sfalò lwe gal mlalò ku Dyisas dnagit ku Dyudas Iskariyot.

Dyan 13:4

Kabay balù ani i bong kdatahan knean tadag kenen di slengla kmaan, na nlusan lafin saulan, na labédan di awekan twalya.

Matyu 10:4

Simon i msen di banwen, na Dyudas Iskariyot i to mangkal kenen.

Dyan 13:11

I duen Dyisas man, “Alò satu di gamu i là mlaneb,” du tafalan gadè ku simto i mangkal kenen di fati.