Dyan 11:28 - Blaan Sarangani

²⁸ Di kafnge Marta man ani mulê kenen, na tlon flanekan Méri du stulen alò ale, manan, “Tadini i To Tamdò, na snalekan ge.”

Dyan 11:28 Referans Kwoze

Dyan 13:13

I katloyu deg ‘To Tamdò’ na ‘Amu’, na glut sa, du agu sa i dunan.

Dyan 11:20

Di kaklinge Marta mdadong Dyisas, lamwà kenen du snitongan, bay fanak Méri di gumnèla.

Mark 10:49

Na tlag Dyisas magu, manan, “Tloyu kenen dini.” Na katlola i to butè, manla, “Fangalam nawam, na tadag ge du tatlon ge.”

Dyan 21:7

Na man i gal mlalò ku Dyisas i toon kando di ku Fiter, manan, “Én sa Amuito!” Na di kgadè Fiter, Dyisas i tadag déén, lsakan i saul tanlusan du mukut, na kamyaf di yéél du kmahung salu di ku Dyisas.

Dyan 20:16

Kabay man Dyisas, “Méri.” Na smalu Méri di kenen, na manan di talù Hibru, “Raboni.” I gumtatek talù Raboni, dunan To Tamdò.

Dyan 10:3

Na i to munung i bà takab, falohan kenen fusuk di bkuku. Na flinge dad bilibili i taluan, na tlon kat satu dad bilibilin fagu di dagitla, na neben ale lamwà.

Dyan 1:45

Na fanngabal Filif satu to dnagit ku Natanyél, na manan, “Tateenmi i to man Mosis di libru gusmulatan i dad flalò Dwata, na gman i dademe tugad Dwata, dunan Dyisas mdà di banwe Nasarét, i tingà Dyosif.”

Dyan 1:41

Na i tnanin nimò Andru, gasilan fanngabal flanekan Simon, na manan di kenen, “Tateenmi i Mésaya.” (I gumtatek talù Mésaya, dunan Krayst, i Mgalék Dwata).

I Fye Tulen gablà ku Dyisas Krayst i Sulat Luk 22:11

Na manyu di to mfun i gumnè, ‘Nun snalek i To Tamdò ku tanè i sibay fakay gukmaanan di flabi Duh Kaglius deme i dad gal mlalò kenen.’

Mark 14:14

Na di gumnè gumyakan, manyu di mfun i gumnè, ‘Nun snalek i To Tamdò ku tanè sibay fakay gukmaanan di flabi Duh Kaglius deme dad gal mlalò kenen?’

Matyu 26:18

Na man Dyisas di dale, “Salu gamu di satu to mnè di syudad, na manyu di kenen, ‘Man i To Tamdò takel i bangan gdohò i kdee tagmanan, na én gukmaanan knaan i Duh Kaglius di gumneam magin dad gal mlalò kenen.’ ”

Hibru 12:12

Taman dad flanekgu, fgalyu i kafaglutyu na nangyu flungay.

1 Tésalonika 5:11

Taman snatgalyu nawayu, na stabeng gamu, du fye matnù i kafaglutyu, salngad i tanimòyu ani.

Dyan 11:29

Di kaklinge Méri dun, gasil kenen tadag na smitong ku Dyisas,

Dyan 11:30

du là fa kel Dyisas di gumnè ale Méri, bay déén fa kenen di gusmitong Marta kenen.