Dyan 1:47 - Blaan Sarangani

⁴⁷ Na di kafdadongla, teen Dyisas Natanyél, na manan, “I to ani too glut bel Israél du too matlu, landè kaflingu.”

Dyan 1:47 Referans Kwoze

Tafite 14:5

Na dad to ani, là lmenla tmulen kéng, du landè gukulangla.

Salmo 32:2

Too nun kafye i to là nukum Dwata mdà di salaan, i to là muni ku nun salaan.

Roma 9:4

Ale i dad bel Israél na mabtas ale, du ale i dad to mgalék Dwata, na mgimoan ale dad ngaan. Na tafiten di dale i kdatahan, fakangan di dale kafye, blén di dale i dad flaloan, tdoan dale i glut dalan mangamfù di kenen, na tagdawatla dad fakangan.

Roma 9:6

Balù ku nun dee dad Dyu là mayè faglut di ku Dyisas, làgu man là dnohò Dwata i fakangan di dale, bay balinggu man nun di dad bel Israél ise dad to Dwata.

Dyan 8:31

Taman man Dyisas di dad Dyu faglut di kenen gine, “Ku fnèyu di nawayu i tdògu gamu, mbaling gamu dad too glut mlalò deg,

1 Fiter 2:22

Laan lmen gamsalà, na laan lmen tmulen kéng.

1 Fiter 2:1

Du tamgimò gamu dad ngà Dwata, tnagakyu i kdee sasè nimòyu, i klimbungyu, kaflinguyu, kingà nawayu, na ktalùyu sasè gablà di demeyu to.

Filifos 3:3

Kabay gito nun too glut ilè gito dad ngà Dwata, du mangamfù ito di Dwata fagu di Tulusan, na flehew ito mdà di ksasatuito di ku Krayst Dyisas. Na ise ito dad to i smalig di kaftulì i gafalwà gito.

Dyan 8:39

Na tnimella kenen, manla, “Abraham i màmi.” Kabay man Dyisas di dale, “Ku glut gamu dad ngà Abraham, taganbetyu moon i nimoan.

Dyan 2:25

Du balù landè to tmulen kenen i mnè di nawa i dad to, tasanan gadè nawa i kdee dad to.

Dyan 4:16

Na man Dyisas di kenen, “Mdà ge. Nngém yaanam, na samfulê gamu dini.”