Dyan 1:41 - Blaan Sarangani

⁴¹ Na i tnanin nimò Andru, gasilan fanngabal flanekan Simon, na manan di kenen, “Tateenmi i Mésaya.” (I gumtatek talù Mésaya, dunan Krayst, i Mgalék Dwata).

Dyan 1:41 Referans Kwoze

Dyan 4:25

Na man i libun di kenen, “Gadègu kel kadang di fulé duh i to Mgalék Dwata, i dnagitla Krayst. Na di kakelan tulenan gito kdee.”

Dyan 1:45

Na fanngabal Filif satu to dnagit ku Natanyél, na manan, “Tateenmi i to man Mosis di libru gusmulatan i dad flalò Dwata, na gman i dademe tugad Dwata, dunan Dyisas mdà di banwe Nasarét, i tingà Dyosif.”

Salmo 89:20

Dunan Dabid, i saliggu, na fihokgu kenen fngalo ilè kenen i tanalékgu mbaling harì.

Dad Nimò 10:38

Na gadèyu gablà ku Dyisas Krayst mdà di Nasarét, i gumlé Dwata i Mtiu Tulus, na i bong gnagan. Na gadèyu gal kenen magu du mimò fye, na fanguléan i kdee dad to snamuk i dad busaw, du Dwata samnagin di kenen.

I Fye Tulen gablà ku Dyisas Krayst i Sulat Luk 2:38

Na ditù ale Méri fa, fdadong di dale i tua libun ani na mlé fye di Dwata. Na tmulen kenen gablà di tingà én di balù simto to fatan i kafalwà Dwata i dad to di Dyérusalém.

I Fye Tulen gablà ku Dyisas Krayst i Sulat Luk 2:17

Na di kitela i tingà, santulenla i gman i dad kasaligan i Dwata gablà di kenen.

Dad Nimò 4:27

“Na glut Amumi Dwata, gdohò i man Dabid ani, du dini di syudad ani gustifun ale Harì Hérod, Gubirnador Fontus Filat, magin di dademe dad to ise Dyu, na i dad Dyu di Israél, du sasatu nawala misan ku Dyisas, i Saligam Landè Salà, i To Mgalékam.

Salmo 2:2

Sasatu nawa i dad harìla; i dad ulula, stulen ale i kibòla misan Dwata i Amu, na misan i harì mgalék Dwata magot i kdee.

1 Dyan 1:3

Tulenmi gamu i tateenmi na talingemi mdà di ku Dyisas Krayst, du fye gakuf gamu di gami di ksasatu nawami di Maito Dwata na Tingaan Dyisas Krayst.

Matyu 1:23

“Nun kadang satu sawang libun maltien, na mngà kenen lagi. Na én katlola kenen, Imanyuél.” I gumtatek Imanyuél, dunan, “Tadini Dwata samnagin di gito.”