Dad Nimò 7:51 - Blaan Sarangani

⁵¹ Na fadlug talù Stifan, manan, “Tay, too mgal sa uluyu, du làyu fkah di nawayu i man Dwata di gamu, na là gamu flinge kenen. Salngad gamu i dad gutambulyu, du galyu knang i Mtiu Tulus Dwata.

Dad Nimò 7:51 Referans Kwoze

Ifisus 4:30

Nang gamu mimò i nimò flidù nawa Tulus Dwata, du i knean di nawayu i satu ilè gamu i dad to nfun Dwata, na nun duh kadang, too snikof Dwata i kagalwàyu mdà di dad salà.

Éksodus 33:5

Hae, ani nimòla du tagman Dwata ku Mosis, manan, “Tnulenam i dad bel Israél ani, là agu magin dale, du ku magin agu, balù là mlo alò, ken sdulêgu ale falmo, du too mgal i ulula. Taman toola nwè i dad kasla di lawehla, na kafngen, neyegu ku tan i kibògu mukum dale.”

Éksodus 32:9

“Na gadègu too mgal ulu i dad to ani.

Filifos 3:3

Kabay gito nun too glut ilè gito dad ngà Dwata, du mangamfù ito di Dwata fagu di Tulusan, na flehew ito mdà di ksasatuito di ku Krayst Dyisas. Na ise ito dad to i smalig di kaftulì i gafalwà gito.

Éksodus 33:3

Salu gamu di banwe ditù, i tanà too mabù, taman too nun kakaan. Kabay là agu magin gamu di kaguyu, ken falmogu gamu, du too mgal i uluyu.”

Dad Nimò 6:10

Kabay là ale gamtimel di kfulung Stifan talù, du i kfulungan talù mdà sa di Tulus Dwata.

Kolosas 2:11

Tanun ilè tambaling gamu dad ngà Dwata, ise ilè nimò i dad to di kaftulì i laweh, bay fagu di ksasatuyu ku Krayst falwaan gamu di dad sasè knayèyu, i gamgikat gamu.

Roma 2:25

Na gamu dad to Dyu, man nawayu too nun kabtas i kaftulìyu. Glut, mabtas ku sikof klalòyu i dad flalò. Kabay ku là, baling salngad gamu i dad to ise Dyu là lmen ftulì.

Dad Nimò 7:39

“Kabay i dad gutambulito là mayè mimen kenen. Balingla kenen knagol, na kayè nawala ku samfulê ale di banwe Idyif.

Dad Nimò 7:27

“Kabay i to mlayam i demen, lugadan Mosis, manan, ‘Simto kè mlé ge glal mdek na mukum gami?

Dad Nimò 7:9

Na fadlug Stifan talù, manan, “Na du mingà nawa i dad flanek Dyosif kenen, taman fablila, du fye mgimò fasak di dad to di banwe Idyif. Kabay samnagin Dwata ku Dyosif,

Éksodus 34:9

na manan, “Amugu Dwata, ku too glut kanlehewam agu, fakdogu di ge, samnagin ge gami. Balù i dad to ani too mgal i ulula, bay begam nlifet i dad sasè nimòmi, na i dad salàmi, na dnawatam gami na fbalingam gami dad tom.”

Dad Nimò 7:35

Na fadlug talù Stifan, manan, “Na Mosis ani, dunan i to là dnawat i dad gutambulito di kmanla, ‘Simto kè mlé ge glal mdek na mukum gami?’ Kabay Dwata mdek kenen fagu di kasaliganan msut di kenen di dinè lifoh di tukay kayu, du fye falwà Mosis i dad ton na mebe dale.