Dad Nimò 7:2 - Blaan Sarangani

² Na man Stifan, “E dad flanekgu na gamu dad tuagu, fanlingeyu i mangu ani. Di muna fa, Dwata i mdatah di kdee, msut di gutambulito Abraham di knean di banwe Mésofotamya, di laan fa mnè di banwe Haran,

Dad Nimò 7:2 Referans Kwoze

Dyénésis 11:31

Na fagin Téra tingaan lagi Abram, na i fuan lagi Lat, tingà Haran, na tewen Saray yaan Abram. Na mdà ale di banwe Ur di Kaldi salu di banwe Kanaan. Kabay kakella di banwe Haran, mnè ale ditù.

Dad Nimò 22:1

Na ani man Fol, “Gamu dad flanekgu, na dad tuagu, tabyà begyu fanlinge i ktimelgu i gmanyu gablà di deg.”

Hibru 1:3

Na teenito di kenen i bong kneng i kafye Dwata, du salngad kenen di Dwata. Na fagu di bong eneg i taluan nagotan i kdee tamgimoan. Na di kafalwaan gito di dad salaito fagu di kfaloh i litean, samfulê kenen di langit, na sudeng gsen di kwanan Dwata i Harì Too Mdatah.

Dyan 1:14

I dnagit Tnalù tambaling to, na mnè kenen di safédito na tatoon fite i kafyen di gito, na too glut i kdee manan. Tateenito i bong kdatahan, i kdatah i sen Tingà Maan Dwata.

Dyénésis 15:7

Lêman man Dwata, “Agu Dwata i Amu, mdek ge lamwà di banwe Ur di Kaldi, du fye blégu ge i klamang tanà ani.”

Tafite 4:11

“Amumi Dwata, ge too gablà dmawat i kdayen, kafè, na glal, du ge tamimò i kalbong kdee, na mdà di knayeam i kdee tamgimò.” Ani lingag i dad lwe falò fat ulu.

Titus 2:13

di lamito fatan i too mabtas Duh gaflehew gito, dunan Duh kasfulê Dwata i nun bong eneg, na Dyisas Krayst i Falwà gito.

1 Korintu 2:8

Na i dad to mebe i dad banwe di tah tanà mdà di muna fa, làla glabat i tagnè fandam Dwata. Du ku glabatla, talàla nlansang di krus i Amuito too mdatah.

Dad Nimò 23:7

Na di kmanan ani, baling sbulaw i dad Farisi na i dad Sadusi, na masbalét i fandam kdee dad to stifun déén.

Dyan 12:41

I duen Isaya gman ani du tateenan i kdatah Dyisas, na tulenan gablà di kenen.

I Fye Tulen gablà ku Dyisas Krayst i Sulat Luk 2:14

“Magdayen Dwata ditù di too mdatah langit, na dini di tah tanà ani, nun nan ktanak nawa i dad to kanlehew Dwata!”

Matyu 6:13

Nangam faloh di gami i dad tilew gamgebe gami di salà, bay falwaam gami di ku Satanas gumdà i kdee sasè.

Salmo 24:10

Simto i too Mdatah Harì ani? Dunan Amuito Dwata, gumdatah i kdee di tah langit na tanà. Kenen sa i too Mdatah Harì!

Salmo 24:7

Lanwayu i gufusuk i Mdatah Harì! Na tooyu lanwa dad labi takab i Bong Gumnè Dwata! Fafusukyu i too Mdatah Harì!

Dyénésis 12:5

Faginan i yaanan Saray, na tingà i flanekan dnagit ku Lat, na i kdee dad knunan na kdee dad lifanan gwean di banwe Haran, na mdà ale salu di Kanaan. Na di kakella di banwe Kanaan,

Dyénésis 12:1

Na man Dwata i Amu di ku Abram, “Tnagakam i banwem ani, na dad gakedam, na i dad malay i maam, na salu ge ditù di banwe tdògu ge.

Dad Nimò 7:1

Na i gumdatah i dad bà di Dwata, snalekan Stifan, manan, “Glut kè i kdee man i dad to ani?”

Ifisus 1:17

Na di kdasalgu di Dwata, i Dwata Amuito Dyisas Krayst, i Maito too magdayen, toogu fni ku fagu di Tulusan banlén gamu kfulung faldam na fgadean gamu gablà di kenen du fye tooyu kenen gadè.

Hibru 11:8

Na Abraham, mdà di kafaglutan di kdek Dwata kenen, tagakan i gumnean, na salu kenen di satu banwe i fakang Dwata blé kenen na di dad belan. Mdà kenen na tnagakan i gumnean balù laan gadè i gusablà i banwe fakang kenen.

Dyém 2:1

Dad flanekgu, du tafaglut gamu di too mdatah Amuito Dyisas Krayst nang gamu malék to nafèyu.