Dad Nimò 4:19 - Blaan Sarangani

¹⁹ Kabay tmimel Fiter na Dyan, manla, “Na di gamu sa fandam ku tan i matlu nimò di kite Dwata, ku gamu i nimenmi, ku demen nimenmi Dwata.

Dad Nimò 4:19 Referans Kwoze

Dad Nimò 5:29

Na tmimel ale Fiter, manla, “Too mabtas ku nimenmi Dwata, ise to.

Éksodus 1:17

Kabay i dad libun ani, gal tmabeng sut tingà, nun klikòla na kafèla Dwata, taman làla nimen dek i harì dale, du làla fnati i dad ngà lagi.

1 Korintu 10:15

Na du fulung gamu faldam, taman gamu sa i gmadè ku glut i mangu di gamu ani ku demen là.

1 Timoti 2:3

Na dasal ani too fye, na gaflehew Dwata i Falwà gito dad faglut,

Dyan 7:24

Nang gamu mukum i dademeyu to di làyu fa too gadè i kdee, bay funayu too neye i kaglutan du fye tlu i kukumyu.”

Matyu 22:21

Na manla, “Ku Sisar.” Taman man Dyisas di dale, “Na ku tan i nfun Sisar bléyu ku Sisar, na ku tan i nfun Dwata bléyu di Dwata.”

Dyém 2:4

nun to tooyu nafè na nun i là, na i kalékyu ani mdà sa di sasè fandamyu.

Ifisus 6:1

Na gamu dad ngà, mimen gamu i dad tuayu, du ani satu flalò Dwata.

2 Korintu 4:2

Na too knang i nawami i dad magagyà nimò, i nimò i dad to di gugbunin. Du là gami mayè mgaw i dad to, na di katdòmi Tnalù Dwata làmi tnù i kakakéng, bay matlu i kbelmi dun. Na kdee dad to gmadè i tdòmi slame glut, taman landè dalanla fkéng dun. Na Dwata i gmadè i kdee, gadean slame glut i tdòmi.

Hibru 11:23

Na i dad tua Mosis, mdà di kafaglutla balù mdek i harì fafati i kdee tingà lagi di dad bel Israél, knean là ale likò, na di ksut Mosis bunila kenen tlu bulen, du too fye baweh tukay tingàla lagi.

I Fye Tulen gablà ku Dyisas Krayst i Sulat Luk 22:8

Taman dek Dyisas ale Fiter na Dyan, manan, “Mdà gamu. Fatlagadyu i kakaanito di Duh Kaglius.”

Dad Nimò 4:13

Na too tikeng i dad ulu i dad Dyu di klabè Fiter na Dyan talù, du alò ale btal to na landè alì gnadèla. Kabay toola dilè magin ale ku Dyisas.

Dad Nimò 5:28

manan, “Tatoomi gamu fnang tamdò gablà ku Dyisas. Kabay knean tabaling én nimòyu, na tatoo mbel i katdòyu di klamang syudad Dyérusalém, na kayèyu man mati Dyisas du mdà di gami.”