Dad Nimò 3:1 - Blaan Sarangani

¹ Na kafnge én, di satu duh tngà masol i duh salu Fiter na Dyan di Bong Gumnè Dwata, du tabang dmasal.

Dad Nimò 3:1 Referans Kwoze

Dad Nimò 10:3

Na di satu flabi mdadong tngà masol i duh, nun kanteenan satu kasaligan Dwata salu di kenen, na manan, “E Kornilyus.”

Dad Nimò 4:13

Na too tikeng i dad ulu i dad Dyu di klabè Fiter na Dyan talù, du alò ale btal to na landè alì gnadèla. Kabay toola dilè magin ale ku Dyisas.

I Fye Tulen gablà ku Dyisas Krayst i Sulat Luk 1:10

Na di bangan mtam i fangbun, dmasal i kdee dad to stifun di lwà.

Dad Nimò 5:25

Na nun satu to kel déén, na manan di dale, “E gamu, i dad to bnilanggùyu taditù ale di lam Bong Gumnè Dwata na lêman ale tamdò di dad to.”

I Fye Tulen gablà ku Dyisas Krayst i Sulat Luk 24:53

Na gal ale salu di Bong Gumnè Dwata, du mlé ale fye di kenen.

Dad Nimò 8:14

Na di kaklinge i dad to gal dek Dyisas ditù di Dyérusalém, tadnawat i dad to di Samériya i Tnalù Dwata, dekla Fiter na Dyan ditù di dale.

Dad Nimò 2:46

Na fadlug ale stifun klit i duh di Bong Gumnè Dwata na sasatu ale kmaan di dad gumnèla du fye gafaldamla i kfati Dyisas. Na di kastifunla, too ale lehew mdà di kafye Dwata dale.

Dyan 21:7

Na man i gal mlalò ku Dyisas i toon kando di ku Fiter, manan, “Én sa Amuito!” Na di kgadè Fiter, Dyisas i tadag déén, lsakan i saul tanlusan du mukut, na kamyaf di yéél du kmahung salu di ku Dyisas.

I Fye Tulen gablà ku Dyisas Krayst i Sulat Luk 22:8

Taman dek Dyisas ale Fiter na Dyan, manan, “Mdà gamu. Fatlagadyu i kakaanito di Duh Kaglius.”

Matyu 26:37

Na faginan Fiter na i lwe dad ngà Sébidi salu di gudmasalan. Na tambù én too mlidù na too msamuk nawan.

Matyu 17:1

Kafnge i nam butang, fagin Dyisas Fiter, Dyém, na Dyan i flanek Dyém di satu mdatah bulul, na landè to ditù alò ale.

Dad Nimò 10:30

Na tmimel Kornilyus, manan, “Tatlu butang di tngà masol i duh salngad ani, dmasal agu di lam i gumnègu. Na di katwangu nun satu to tadag di munagu na too samfilà klawehan.

Galasya 2:9

Na Dyém, Fiter, na Dyan, i manla dad ulu i dademe déén, dnilèla dek agu Dwata mimò i nimò ani, taman dnawatla gami Barnabas i dademela di nimò Dwata. Sasatu i nawami gablà di nimòmi, dunan gami tamdò di lam i dad to ise Dyu, na ale tamdò di lam i dad to Dyu.

Matyu 27:45

Na mdà di ltu i duh mbaling kifu di klamang banwe kel di tngà masol i duh.

I Fye Tulen gablà ku Dyisas Krayst i Sulat Luk 18:10

Manan, “Nun lwe to salu di Bong Gumnè Dwata du dmasal, satu Farisi na satu to gal mwè bayad buhis.

Dad Nimò 3:3

Na di kiten dale Fiter na Dyan fan fusuk di Bong Gumnè Dwata, mni di dale.

Dad Nimò 3:4

Na Fiter na Dyan too ale meye di kenen, na man Fiter di kenen, manan, “Meye ge di gami.”