Dad Nimò 21:5 - Blaan Sarangani

⁵ Kabay di kakubu i fitu butang, fles gami di kagumi. Na i kdeela faglut di ku Dyisas, na balù dad yaanla na dad ngàla magin gami kel di lwà i syudad. Na di kakelmi di kilil i mahin lkuad gami du dmasal.

Dad Nimò 21:5 Referans Kwoze

Dad Nimò 20:36

Na di kafnge Fol mangman kdee ani, i kdeela lkuad du dmasal ale di Dwata.

Dad Nimò 9:40

Na falwà Fiter i kdee dad to di sibay, na lkuad du dmasal di Dwata. Na meye kenen di libun mati, na manan, “Tabita, mték ge.” Na nukatan i matan, na di kiten ku Fiter, mték kenen na sudeng.

Dad Nimò 20:38

Too ale mlidù du tamanan dale talà ale lêman site. Na tundala kenen salu di aweng gusmakayan.

Dad Nimò 15:3

Na dekla ale Fol magu, na i dalanla magu dunan di banwe Fonisya na Samériya, na di kagula tulenla gablà di kafaglut i dad to ise Dyu. Na di kaklinge i dademe dad to faglut too ale lehew.

Salmo 95:6

Taman fdadong ito na fdanaito ktoito du mangamfù di kenen; lkuad ito di muna Amuito Dwata, i mimò gito,

Dad Nimò 17:10

Na di kakifun, i dad to faglut déén, dekla Fol na Silas salu di syudad Biriya. Na di kakella salu ale di gal gusatdò i dad Dyu.

Mark 1:40

Na satu duh nun to tanfig salu di ku Dyisas. Lkuad kenen di munan, na fakdo manan, “Ku beg ge mayè, gaganam fgulê deg di tduk fagsik deg ani.”

Matyu 14:21

Na i kdee dad lagi kmaan mdadong lime libu, là gakuf nse i dad libun na dad ngà kmaan.

I Fye Tulen gablà ku Dyisas Krayst i Sulat Luk 22:41

Na fawag Dyisas di dale i kawag gnumah tnudà batu, na lkuad kenen du dmasal,