Dad Nimò 12:4 - Blaan Sarangani

⁴ Na di kagakfèla ku Fiter, bnilanggùla kenen, na bléla di agot fat lumbuk nun fat dad sundalu, du mantay kenen. Hae, du fandam Hérod, di kafnge i Fista Duh Kaglius, neben Fiter di muna i kdee dad to du nukuman kenen di fati.

Dad Nimò 12:4 Referans Kwoze

I Fye Tulen gablà ku Dyisas Krayst i Sulat Luk 22:33

Na man Fiter, “Amu, tagatlagad agu magin ge balù bnilanggù agu demen fnati.”

Dad Fngewe 19:21

Nun dee fala fandam i to ku tan i fanan nimò, bay knayè Dwata, én gdohò.

I Fye Tulen gablà ku Dyisas Krayst i Sulat Luk 21:12

“Kabay di là fa gdohò i kdee ani, kanfè gamu i dad to na fanlayamla gamu, na nebela gamu di dad ganlal gal mukum di dad gal gusatdòla, na bnilanggùla gamu. Na ftadagla gamu di muna i dad harì, na i dademe dad ganlal du mdà di klalòyu deg.

Dad Nimò 4:28

Na fagu di nimòla ani, tabalingla gimò i kdee tagneam fandam fagu di kaltulusam na di knayeam.

Dad Nimò 4:3

Taman kanfèla ale Fiter na du too flabi fbilanggùla ale kel di tmadol duh.

Dyan 21:18

Tulengu ge kaglutan, di lamam fa lamnok, ge sa gmaling i ktom, na fakay ge magu balù nè kayeam gusalum, bay ku tatua ge tatiam alò bantal i sigalam, na mahal dad to gmaling ge, na nebela ge di laam kayè gusalu.”

Matyu 26:5

Kabay manla, “Nangito nimò ani di bang i fista du ken flabè i dee dad to na too ale smamuk.”

Matyu 24:9

“Na di bang én, kanfè gamu i dad to na nebela gamu di dad ganlalla du fanlayamla, na fnatila gamu. Knang gamu nawa i kdee to du gamu dad togu.

Dad Fngewe 27:1

Nang ge fdag gablà di nimoam fayah, du laam gadè ku tan fa kel di ge fayah.

Dad Nimò 8:3

Kabay i too kayè Sol falmo i dad faglut di ku Dyisas, taman snafngabalan ale di lam dad gumnèla na kanfean balù lagi na libun, na fbilangguan ale.

Dad Nimò 5:18

Taman kanfèla i dad gal dek Dyisas, du bnilanggùla.

Dyan 19:23

Kafnge dad sundalu mlansang ku Dyisas di krus, nwèla i dad klawehan, na nalella di fat du fye kat satu dale nun gwèla. Na nun satu di klawehan tahà landè tbélan, tatì mganem i kabalan,

Éksodus 12:1

Na ditù di banwe Idyif, lêman talù Dwata i Amu di ku Mosis na Aron, manan,

Mark 14:1

Na taalò lwe butang i gdè klo Duh Kaglius na Fista Kakaan i Fan Landè Falnok Dun. Na dad ulu dad bà di Dwata na dad tamdò i flalò blé Dwata fagu di ku Mosis, mngabal ale kfagu kamfè ku Dyisas di landè to gmadè dun, du fye fnatila,

Dad Nimò 12:3

Na di kgadean too gaflehew i dad Dyu i kfatin ku Dyém, fakfean Fiter. Na fakfean di bang i Fista i Fan Landè Falnok Dun.

Dad Nimò 12:5

Taman bnilanggùla Fiter, bay i dad to faglut toola kenen dnasal di Dwata.