Dad Nimò 10:35 - Blaan Sarangani

³⁵ bay dnawatan i dad to di kdee dad banwe balù simto, ku nafèla kenen na matlu i nimòla.

Dad Nimò 10:35 Referans Kwoze

1 Dyan 2:29

Du gadeito Dwata too matlu, taman tooyu gadè i kdee dad to mimò tlu, ale glut dad ngà Dwata.

Dad Nimò 10:2

Na Kornilyus ani, na balù i dad to satnù di gumnean, too faglut na too mafè Dwata. Na bong ktabengan i dad to landè, na too kenen gal dmasal di Dwata.

Kolosas 3:11

Du mdà déén, landè sa gusahal i to Dyu na to ise Dyu, i to tnulì na i to là tnulì, i to nun gnadè na i landè gnadè, i to fasak na ise fasak. Alò Krayst i mabtas, i mnè di kdee dad to faglut di kenen.

Dad Nimò 15:9

Na di fandam Dwata landè gusahal i dad to Dyu na i dad to ise Dyu, du mdà di kafaglutla di ku Dyisas nlaneban i dale nawa salngad gito.

2 Korintu 7:1

Na dad flanekgu kanbonggu nawa, i kdee ani, slame fakang Dwata di gito. Taman tanlu ito i nimoito, du fye landè sasè nimò i lawehito, na landè sasè fandamito. Too ito fgal tamlu i nimoito kel di talandè sasè bolan, du nun kafeito na klikoito Dwata.

Dad Fngewe 16:6

Ku ge satu to too gsalig Dwata na nun kakdom kenen, nlifetan i salaam, na ku nun klikoam di Dwata niwasam i sasè.

Dad Fngewe 1:7

Silang ge mbaling to nun gnadè, ku funa nun klikoam di Dwata. I dad to là fulung faldam knangla kfulung, na là ale mayè ku nun tamdò dale.

Kolosas 1:6

Na i Fye Tulen takel di gamu, tatoo mbel di dad to di klamang banwe, na mbaling matlas nimò i dad to i mlinge dun, salngad gamu, fandà fa di tnanin duh i kaklingeyu na kaglabatyu i kafye Dwata.

Dad Nimò 9:31

Na di bang én, i dad faglut di ku Dyisas di klamang banwe Dyudiya, Galili, na Samériya, fye nawala du talandè samukla. Na too lamnok i kafaglutla, na matnù i kdeela faglut fagu di ktabeng i Mtiu Tulus, na fadlug ale mnè di nun klikòla di Amuito Dwata.

Ifisus 5:21

Safè gamu kat satu gamu, du nafèyu Krayst Dyisas.

Ifisus 1:6

Na dnayenito Dwata, du too bong kafyen blén di gito fagu di ku Dyisas i Tingaan toon kanbong nawa.

Galasya 3:28

Taman gamu dad faglut, talandè gusahalyu, balù ku Dyu demen ise Dyu, balù ku fasak demen ise fasak, balù lagi demen libun, masasatu i kdeeyu fagu di ksasatuyu di ku Krayst Dyisas.

1 Korintu 12:13

du i kdeeito dad faglut, balù to Dyu ku demen ise to Dyu, balù lifan, ku demen ise lifan, kdeeito tabnunyag di satu Tulus, du fye mgimò ito satu laweh, na fnè kenen di lam i nawaito.

Roma 3:22

I dalan gufagu Dwata fye matlu i dad to di kiten, dunan i kafaglutla ku Dyisas Krayst. Landè gusahal i dad to

Roma 2:13

Du ise ku alò fagu di kaflinge i flalò gumdà i satu to matlu di kite Dwata, bay i to mimen i flalò, én i matlu di kite Dwata.

I Fye Tulen gablà ku Dyisas Krayst i Sulat Luk 1:28

Na salu i kasaligan di ku Méri, na manan, “Flehew ge! Too ge kando i Amuito Dwata na kenen i magin ge!”

Dad Fngewe 3:7

Nangam fandam ku too ge fulung, bay toom kanlikò Dwata, na knangam i kdee sasè.

Dad Fngewe 2:5

Du ku nimoam ani glabatam i klikò di Dwata, na nun gnadeam gablà di kenen.

Filifos 3:3

Kabay gito nun too glut ilè gito dad ngà Dwata, du mangamfù ito di Dwata fagu di Tulusan, na flehew ito mdà di ksasatuito di ku Krayst Dyisas. Na ise ito dad to i smalig di kaftulì i gafalwà gito.

Salmo 19:9

I klikoito di Amuito Dwata too fye, na là tlag kel di landè sen. I kukuman too glut, na too gablà kafsalaan i dad to nukuman.

Dad Nimò 10:28

Na manan di dale, “Tagadèyu sa di fnaglut i dad Dyu, là fakay ku sgalak ku demen tlang di dad to ise Dyu. Kabay tafite Dwata deg là fakay ku fandamgu magsik i balù simto to.

Roma 2:14

I dad to ise Dyu là gmadè i dad flalò. Kabay balù làla gadè dun, nun lalòla, du dilèla di nawala ku tan fye lalòla, na mdà di fye dnilèla di nawala, én i mgimò flalò mdek dale.