Dad Fngewe 8:34 - Blaan Sarangani

³⁴ Nun kafye di to flinge deg, i to kat i duh mnè déén di bà i takabgu, i to fatan deg.

Dad Fngewe 8:34 Referans Kwoze

I Fye Tulen gablà ku Dyisas Krayst i Sulat Luk 11:28

Kabay tmimel Dyisas, manan, “Kabay too nun kafye i dad to flinge Tnalù Dwata na mimen dun.”

Matyu 7:24

“Na taman kat to mlinge i dad tdògu na mimen dun, salngad ale di to too fulung faldam du déén gufdakan gumnean di bong batu.

Dad Fngewe 3:13

Nun kafye di to ku nun kfulungan na di to ku nun kaglabatan,

Dad Nimò 2:42

Na too ale flinge i tdò dad to gal dek Dyisas, na sasatu i nawala di klalòla ku Dyisas. Na gal ale stifun du dmasal di Dwata na snatngàla i fan na minum i ninum du fandamla i kfati Dyisas.

I Fye Tulen gablà ku Dyisas Krayst i Sulat Luk 10:39

Na nun flanekan libun dnagit ku Méri sudeng di saféd blì Dyisas du fye flinge i tdoan.

Dad Fngewe 3:18

I to mbaling fulung nun gufyen, na mlawil kenen.

Salmo 84:10

Balù ku alò sduhgu mnè di gustifun dad to mangamfù di ge, too fye fa i knègu ditù, di knègu di balù nean, balù ku kel di mlibu fali. Balù ku alògu tadag di bà gufusuk di Gumnè Dwatagu, too fye fa di deg di knègu di lam i gumnè i dad to mimò sasè,

Salmo 27:4

Satu fnigu di Amugu Dwata i toogu knayè, dunan toogu kayè mnè di Gumnè Dwata di klogu mto; na di klogu mnè ditù kayègu ku toogu fandam i bong kafye Amugu Dwata, na fnigu moon ku nalakan agu.

I Fye Tulen gablà ku Dyisas Krayst i Sulat Luk 1:6

Na i satlamin ani, too matlu di kanfe Dwata, du di kimenla dad flalò na dad fimò Dwata landè gumngak dale du toola glalò.

Dad Fngewe 1:21

Falbongan i taluan di gufusuk banwe, na balù nè gustifun dad to,

Éksodus 12:7

Kafnge én, mwè ale dademe litè i lmanaf, na ihokla di lwe taldak i takab, na lêman di blabal di tah i takab di gumnè i gukmaanla dun.