Dad Fngewe 6:6 - Blaan Sarangani

⁶ I to là mayè mimò, fye ku fafulung kenen faldam salngad i dad gulam, du too ale mimò.

Dad Fngewe 6:6 Referans Kwoze

Dad Fngewe 20:4

I to malwe mimò, i là mayè dmaru di bang kdaru, landè gwean di bang i kaktu.

Dad Fngewe 18:9

I to malwe mimò, salngad ksasè i to gal falmo.

Dad Fngewe 6:9

Kabay ge, i là mayè mimò, tan i klom kudang? Na kilen i kukatam?

Hibru 6:12

Là gami mayè ku là gamu mayè mimen Dwata, bay kayèmi ku lalòyu moon i dad to gamdawat i kdee fakang Dwata di dale, du too ale gamtayud di kafaglutla di kenen.

Dad Fngewe 13:4

I to là mayè mimò, too dee knibalan, bay landè kiboan gamwè dun, bay i to too mayè mimò, gamwè balù tan i knayean.

Matyu 25:26

“Na én man i amun di kenen, ‘Too ge sasè na mataka! Man nawam kadì kantugu i ise deg fla na nwègu i ise deg fule.

Dad Fngewe 30:25

i dad mamang balù too ale mlungay, knean santifunla i knaanla di bang nun gumwèla, du fatlagadla knaanla di bang i klandèla,

Roma 12:11

Too gamu mimò gusen i galyu, na nang gamu malwe mimò. Na ku tan fimò i Amuito Dyisas Krayst gamu, tooyu fkah di nawayu mimò dun.

Dad Fngewe 21:25

I to là mayè mimò, too dee knibalan na én gamfati kenen, du là mayè mimò.

Dad Fngewe 19:15

I to malwe mimò tatì fadlug kudang, na i gukelan bitil.

Dad Fngewe 22:13

I to là mayè mimò dee balibadan, du fye là mimò, du manan kun ku lamwà kenen di gumnean ken kanfè i lmanaf liyun, na knaanan.

Dad Fngewe 10:26

Nangam fimò i to malwe mimò du baling smamuk ge, na sasè kafalyalom, salngad kafalyalom i kifanam ku mgihok i sukà ku demen kafdê matam i buk.

Dad Fngewe 19:24

I to là mayè mimò, balù fa smungit i knaan là mayè.

Matyu 6:26

“Fandamyu dad anuk di bnas mayeng di langit. Là ale mla ku demen kamtu, landè fol gumusekla i ulê i flala, bay fankaan ale i Màyu di langit. Na gamu too mabtas fa di dad anuk.

Dad Fngewe 15:19

I to là mayè mimò, balù tanè, nun dad sual gablabal i dalanan, bay i to matlu landè gablabal i dalanan.

Dad Fngewe 1:17

Neyem, ku nite i dad anuk i kimoam fawel, fulung ale fawag,

Dad Fngewe 23:19

Tingàgu, fanlingem agu, fafulung ge na mlalò ge i dalan matlu.

Dad Fngewe 30:24

Nun fat too malnak dini di tah tanà, bay knean too ale fulung,

Dad Fngewe 10:4

Ku là ge mayè mimò, én gaflandè ge, bay ku malgad ge mimò, én gafnun ge.