Dad Fngewe 5:22 - Blaan Sarangani

²² I dad salà i to sasè mbaling fawel, du i dad salaan, mawel kenen.

Dad Fngewe 5:22 Referans Kwoze

Dad Fngewe 11:5

I katlu i to fye, én gafye i knean, bay i ksasè i to sasè, én gafalmo kenen.

Dad Fngewe 1:18

bay dad to gambet én mahal, du là ale fulung fawag di sasè nimò, bay baling dale taban i fawel nimòla na gafalmo dale.

Salmo 9:15

I dad to là faglut di Dwata, salngad ale di dad to mtatek di mngalam sol nakolla du guftatekla i dad demela to; gambet mawel ale bay baling dale magfawel, du dale gumulê i kafsasèla i dad demela to.

Hibru 13:4

I kdeeyu tooyu nafè i kasatlamin. Nang gamu mlafà i yaanyu. Du Dwata toon fanlayam kdee dad to mimò i sasè knayè i lawehla na i dad to mlafà i yaanla.

Dad Fngewe 11:3

I katlu i to matlu, mebe kenen di katlun, bay i kabigkò i to sasè, mebe kenen di kalmon.

Salmo 40:12

Kandom agu du maglibut agu i too dee gamsamuk nawagu làgu gagan nse; na mdà di too dee dad salàgu tafan agu là mite, dee ale fa di dad balu i wakgu, na tafangu là gagan mebe i klidùgu.

Salmo 9:17

Na én gukella di gumlayam dale, na balù fa i dad to là mayè faldam Dwata.

Dad Fngewe 11:6

I katlu i to gsalig, i gafalwà kenen, bay i to là gsalig, tamgikat kenen di sasè knayean.

Dad Fngewe 12:14

I to gamdawat i untung fagu di dad gmanan na i dad mgimoan.

Dad Fngewe 14:32

I falmo i to sasè i sasè nimoan, bay i kamlung i to matlu i kafyen.

Dad Fngewe 18:7

I gafalmo i to là fulung faldam, dunan i dad galan gman, na mfawel sa mdà di kenen dad talù.

Dad Fngewe 24:12

Kabay ku balingam man, “Landè gadègu, na landè labetgu di to atù,” bay gmadè Dwata ku tan i mnè di nawam, Du kenen too meye ge, taman gadean i kdee, na bnalasan ge di kdee dad nimoam.

Dad Fngewe 26:27

I to mawel i demen to baling kenen mfawel i fawelan, na i to flulid i bong batu di demen to baling di kenen gumlulidan.