Dad Fngewe 5:11 - Blaan Sarangani

¹¹ Na di fan kafto i nawayu kadang, mlanu gamu mdà di kalmo i lawehyu.

Dad Fngewe 5:11 Referans Kwoze

Roma 6:21

Nun kè fye untung gdawatyu mdà di nimòyu di muna, i nimò i takyàyu ani? Landè! Du i dad nimò én mebe gamu di fati landè sen.

Tafite 22:15

Kabay di lwà i dad to mimò magagyà nimò, i dad to stulen di dad sasè tulus na mimò dad gamtikeng fagu di dale, i dad to mimen i sasè knayè i lawehla, i dad to manò, i dad to gal mangamfù di ku Satanas i busaw, na i dad to too mayè tmulen kéng. Kdee dad to ani là ale fakay gfusuk di syudad Dwata.”

Hibru 13:4

I kdeeyu tooyu nafè i kasatlamin. Nang gamu mlafà i yaanyu. Du Dwata toon fanlayam kdee dad to mimò i sasè knayè i lawehla na i dad to mlafà i yaanla.

Tafite 21:8

Kabay i dad to likò mlalò deg na dad to kmagol i kafaglutla di deg, dad to mimò kdee bung sasè nimò, dad to manò, dad to mimen i sasè knayè i lawehla, dad to gal stulen di dad sasè tulus na mimò dad gamtikeng fagu di dale, i dad to mangamfù di dad ise glut dwata, i kdee dad to tmulen kéng, na kdee ani, maflayam ale di lanaw lifoh nbol sandawà dminè. Na ani i galwe fati.”

Dad Fngewe 7:23

na nun tbak di fufungan, salngad i anuk di bnas mayeng ditù di fawel, laan gadè i gukelan kadang di fati.

Dad Fngewe 5:10

I dad to làyu dilè nwèla di gamu kdee dad knunyu, na too gamu faflayam mwè i knunyu, bay baling nfun i dademe.

Dad Fngewe 5:12

Na msal gamu kadang manyu, “Fye moon di muna fa, ku fanlingegu i tdò deg, na ku fanlingegu moon i kngak deg.

Dad Fngewe 2:19

Balù simto tlang di kenen, landè di dale gasfulê di fye knè.