Dad Fngewe 4:1 - Blaan Sarangani

¹ Gamu dad ngà, flinge gamu i fngewe màyu gamu, na tooyu fandam, du fye nun kaglabatyu.

Dad Fngewe 4:1 Referans Kwoze

Hibru 2:1

Na taman, du Tingà Dwata mdatah di kdee, tooito fkah di nawaito i gatdò di gito gablà di kenen, du fye laito gasyat di kaglut.

Salmo 34:11

Taman fdadong gamu dini na flinge gamu dad ngàgu; na tdòta gamu smalig na likò di Amuito Dwata.

Dad Fngewe 1:8

Tingàgu, toom lalò i kafngeweta ge, na nangam nlifet i tdò yéam.

Dad Fngewe 22:17

Ani man i to fulung faldam, manan, “Fanlingem agu na tdògu ge i dad gman i to fulung faldam, na toom fkah di nawam i tdògu,

Dad Fngewe 5:1

Tingàgu, nangam fbayà i dad gmangu di ge, bay fanlingem i kfulunggu na i kaglabatgu.

Dad Fngewe 19:20

Flinge ge i fngewe na dnawatam i tdò ge, du fye kadang ge mbaling to fulung faldam.

Dad Fngewe 7:4

Knabasam i kfulung, salngad i kakabasam i flanekam, na knabasam i kaglabat, salngad i kakabasam i demem sgalak,

Dad Fngewe 1:2

Sulatan i kdee ani, du tdoan i dad to, du fye gmadè ale i glut kfulung mdà di Dwata, na dnilèla i fye tdò, na glabatla i dad gal gman too mngalam gumtatekan,

Dad Fngewe 13:1

I tingà fulung faldam too mayè flinge i fngewe i maan, bay i tingà madoy too là flinge i kngak kenen.