Dad Fngewe 3:3 - Blaan Sarangani

³ Nangam kah kakdom Dwata na kagsaligan ge, na toom fkah ani di fandamam, na di nawam du fye laam glifet.

Dad Fngewe 3:3 Referans Kwoze

2 Korintu 3:3

Gamu sa i sulat mdà di ku Krayst, du dekan gami di gamu, du fye faglut gamu di kenen. Na sulat ani, fye fa du là gsulat di dad batu, gambet i dad flalò Mosis, bay fagu di Tulus Dwata i too mto, sulatan dun di nawayu.

Dad Fngewe 7:3

Toom fkah di fandamam, na di nawam i dad tdògu ge, du fye laam glifet dun.

Hibru 10:16

“Agu Amuyu Dwata mangu, kadang di satu duh, ani i falami dalan i nimògu di dad to faglut, fkahgu i dad tdògu di lam i nawala, na di fandamla.”

Dad Fngewe 6:21

Toom busek ani di fandamam, na toom busek di lam i nawam, du fye laam glifet kel di atuan.

Ifisus 5:9

du i ulê i knè i dad to di gumalwan, dunan too ale mimò kdee fye nimò, na matlu ale na gsalig.

Dad Fngewe 16:6

Ku ge satu to too gsalig Dwata na nun kakdom kenen, nlifetan i salaam, na ku nun klikoam di Dwata niwasam i sasè.

Dad Fngewe 20:28

I harì too mlawil i glalan ku neben i kagotan di gumatlu, na ku kandon i kdee na landè fnalabin.

Dad Fngewe 1:9

Du ku laloam i tdòmi ge, matnù i kafye ldamam, salngad ku lamsak ge i dad fye baweh kas, na matnù i kafyebaweham.

Matyu 23:23

“Magakdo gamu dad tamdò i dad flalò blé Dwata na dad Farisi! Fanlayam gamu kadang du tatì gamu flingu gamu fye to. Galyu blé di Dwata i gasfalò alel balù di dad malnak bol utenyu. Kabay fbayàyu i dad mdatah nimò, dunan i tlu kibòyu i demeyu to, na i kakdo na kagsalig. Ani moon tooyu nimò, na fadlug fa i kimenyu i dademe flalò galyu nimen.

Dad Fngewe 14:22

Ku falam fandam kimò sasè gsalà ge, bay ku falam fandam kimò fye nun dad to kamdo ge na smalig ge.

Éksodus 34:6

Mlius kenen di muna Mosis, na di kliusan kenen, manan, “Agu Dwata i Amu, i Dwata too nun kakdo, na mlé kafye, na là lumak flabè, na too fnò i kakdo landè kgilin, na too gsalig.