Dad Fngewe 26:12 - Blaan Sarangani

¹² Fye fa i to là fulung faldam, di to i man nawan kenen too fulung.

Dad Fngewe 26:12 Referans Kwoze

Dad Fngewe 29:20

Fye fa i to là fulung faldam, di to i là funa faldam klon fa talù.

Roma 12:16

Na i kdeeyu faglut di ku Krayst, sansatuyu i nawayu. Na nangyu fdatah i ktoyu, bay fye ku nang gamu myà mimò i nimò i dad to mdanà. Na nangyu fandam i kfulungyu mdatah fa di kfulung i demeyu to.

Dad Fngewe 28:11

Di fandam i to nun knun, nun kfulungan, bay i to landè i nun kaglabat, gmadè i kaglut, nun kfulungan ku demen là.

Tafite 3:17

Na galyu man, nun bong knunyu, na landè sa gukulangyu, bay làyu gadè i kaglutan, too sasè i kagkahyu, na magakdo gamu, du mbaling gamu dad to landè, na butè i fandamyu, na sadi gamu flaweh.

Matyu 21:31

Na di lwe dad ngà ani, simto i mimen knayè i màla?” Na tmimel ale, manla, “I twege.” Na man Dyisas, “Hae, na tulengu gamu i kaglutan, i dad to sasè, gambet i dad to mwè bayad buhis na i dad libun mkat lagi, muna fa di gamu fusuk di kagot Dwata.

Dad Fngewe 26:5

Kabay fye ku tnimelam kenen di fye du fye gadean laan fulung fagu di ktimelam kenen.

I Fye Tulen gablà ku Dyisas Krayst i Sulat Luk 18:11

Na tadag i Farisi di muna na dmasal, manan, ‘E Dwata, mlé agu fye di ge, du là agu salngad i dademe dad to gal tyan, na mlangong, na mlafà i yaanla, na là agu gambet i to gal mwè bayad buhis atù.

I Fye Tulen gablà ku Dyisas Krayst i Sulat Luk 7:44

Na meye Dyisas di libun gine, na manan ku Simon, “Teenam kè i libun ani? Tafusuk agu di gumneam, bay laam agu banlé yéél du alob i blìgu. Kabay libun ani, tanaloban blìgu i lwakan, na ifun dun i wakan.

Dad Fngewe 26:16

I to là mayè mimò, man nawan too kenen fulung fa di balù fitu lagi fulung tmimel.

Dad Fngewe 22:29

Man, teenyu i to too fulung mimò i nimoan? Mbaling kenen mdengeg na ise ku di mdanà to i gumimoan, bay di harì fakayan gumimò.”

Dad Fngewe 3:7

Nangam fandam ku too ge fulung, bay toom kanlikò Dwata, na knangam i kdee sasè.

Dyan 9:41

Na man Dyisas di dale, “Kaflingenta dun ku glut gamu dad to butè, là gamu gablà banlé i salà. Kabay du galyu man mite gamu, bay làyu dnawat i kaglutan, taman mnè gamu fa di salà.”

Dad Fngewe 12:15

I to là fulung faldam, fnaglutan slame fye i kdee nimoan, bay i to fulung faldam too flinge i fngewe.

Dad Fngewe 28:26

I to smalig i kton, kenen sa i to là fulung faldam, bay i to mlalò i dalan kfulung, maklung kenen di sasè.