Dad Fngewe 22:4 - Blaan Sarangani

⁴ Ku nun klikoam di Dwata, na fdanaam i ktom di kenen, mlé kenen i dad knun, dengeg, na klawil.

Dad Fngewe 22:4 Referans Kwoze

Matyu 6:33

Kabay gamu, ani nimòyu, funayu fdatah di nawayu kagot Dwata gamu, na klalòyu katlun, na blén di gamu kdee kanlidùyu.

Dyém 4:10

Fdanàyu i ktoyu di Amuito Dwata, na fdatahan gamu.

Dad Fngewe 21:21

Ku kamdo ge i demem to na mimò ge i matlu nimò, mlawil ge, matlu ge, na nafè ge i dad to.

Dad Fngewe 3:16

Mdà di kfulung gdawatam klawil, knun, na kafè.

Dyém 4:6

Kabay gal tnù Dwata i kafyen di gito, du ani i gman Tnalù Dwata, “Knang Dwata i dad to fdatahla i ktola, bay i dad to fdanàla i ktola galan banlé kafye.”

1 Timoti 4:8

Nun gukmamu kafgal i laweh, bay too nun fa gukmamu kafgal i kafaglutam di Dwata, du bong ktabengan di kneam dini di tah tanà na ditù kadang di langit.

Dad Fngewe 21:20

Di gumnè i to fulung faldam nun mabtas kandeen na fye nem knaan, bay i to là fulung faldam, too mlal i kafalmon i kdee knunan.

Dad Fngewe 22:3

I to fulung mebe i kton, tagadean i samuk fan kel, taman funan niwas, bay i to kulang i kfulungan faldam, laan niwas i samuk, tatì fadlug kel di kagdawatan i flayam, bunge i nimoan.

Dad Fngewe 22:5

I to kmabas i kton, fawag di dalan nun fawel, i fawel i dad to sasè.

Dad Fngewe 29:23

I to fdatah i kton mdanà sa kadang di satu duh, bay i to fdanà i kton, mdatah sa kadang di satu duh.

Dad Fngewe 31:30

I fye kalyak i libun slaan là glut, na i kafye bawehan mlal lana, bay i libun too nun klikò di Dwata too magdayen.

Dad Fngewe 19:23

I to nun klikoan di Dwata mlawil kenen, na nun ktanak nawan na gawag kenen di ksasè.