Dad Fngewe 22:18 - Blaan Sarangani

¹⁸ du too fye ku gafaldamam, na fakayam tulen di dademe.

Dad Fngewe 22:18 Referans Kwoze

Dad Fngewe 2:10

Du mbaling ge to fulung faldam, na mdà di gnadeam nun klehewam.

Dad Fngewe 15:7

I kbel i gnadè fagu di to fulung faldam, ise ku fagu di to là fulung faldam.

Dad Fngewe 10:21

I dad talù i to matlu, too gamtabeng i dee dad to, bay i to là fulung faldam, là mlawil du landè kaglabatan.

Dad Fngewe 8:6

Fanlingeyu i kafye mangu, du kdee mangu di gamu too tlu,

Salmo 119:103

Too fye di deg i dad fakangam, fye fa di kafye nem i tnab too mi.

Hibru 13:15

Taman fadlug ito dmayen Dwata fagu di ku Dyisas, du én kdayenito i too glut dsuito di kenen. Du i kdayenito kenen di muna i dad to, salngad i nun bléito di kenen.

Dyan 7:38

du nun gsulat di Tnalù Dwata, manan, ‘Mdà di nawa i to faglut di deg, maloh i yéél mlé nawa landè sen.’ ”

Dad Fngewe 25:11

Too fye fanlinge i talù too mastadè, salngad kafye i kafye falas di gumnè i harì.

Dad Fngewe 16:21

I to fulung faldam dnagit to nun kaglabat, na i kafye taluan, én gmagan mebe i dad to.

Dad Fngewe 10:13

Fagu di talù i to nun kaglabat, dnileam i kfulungan, bay i to landè kaglabatan, fye ku fanlayam kenen.

Dad Fngewe 3:17

Na i dalanan dunan klehew, na i ktanak knè.

Salmo 119:111

Du i dad gmanam dnawatgu, na làgu tnagak kel di landè gusenan, du ani klehew i nawagu.

Salmo 19:10

I gmanan too mabtas fa di blawen, balù tan fa i too kabtasan. I tnaluan too fye di nawagu, fye fa di nem i tnab tamdak mdà di banwe i sugen.

Dad Fngewe 22:19

Kayègu ku too ge smalig di Dwata, taman ani tdògu ge.

Dad Fngewe 4:20

Ngàgu, toom fandam i gmangu di ge, na too ge flinge i dad tulengu ge.

Dad Fngewe 4:21

Toom busek ani di fandamam, na toom busek di lam i nawam, du fye laam glifet dun.