Dad Fngewe 21:9 - Blaan Sarangani

⁹ Fye fa ku i lagi nun yaan mnè di too tukay lawig di satnù di gumnè i yaanan mayè mugak.

Dad Fngewe 21:9 Referans Kwoze

Dad Fngewe 19:13

I tingà là fulung faldam, gafalmo i maan, na i libun too mugak i yaanan too sasè fanlinge, salngad uni yéél là tlag tamdak.

Dad Fngewe 25:24

Fye fa ku i lagi nun yaan mnè di too tukay lawig di satnù di gumnè i yaanan mayè mugak.

Dad Fngewe 21:19

Fye fa i lagi nun yaan mnè di banwe landè to, di satnù i yaanan sukaf nawan na too mayè mugak.

Dad Fngewe 12:4

Lehew na dag i satu lagi i yaanan fye ldam, bay ku nun libun gafyà i yaanan, salngad kenen i satu tduk di dad tulan i yaanan na gafalmo kenen.

Dad Fngewe 15:17

Fye fa ku tatì ge alò kmaan i gulay dmeme i demem sakdo, di kmaan ge i too fye nem uten, bay nun kasnang nawa.

Dad Fngewe 17:1

Fye fa ku kmaan ge balù tan i tukay gdè knaan, syan nun ktanak di gumneam, di kmaan ge di bong fista di gumnè i nun ksamuk.

Dad Fngewe 21:8

Là matlu i dalan gumlalò i dad to nun salà, bay i dalan gumlalò i dad to fye ldam, too matlu.

Dad Fngewe 21:10

I to sasè, toon knayè mimò sasè, na landè kakdon i demen to.