Dad Fngewe 21:2 - Blaan Sarangani

² Kdee nimò i satu to di fandaman too fye, bay Dwata mukum ku tan i knayè nawa i to na i duenan mimò dun.

Dad Fngewe 21:2 Referans Kwoze

Dad Fngewe 16:2

Kdee nimò i to fandaman too fye, bay Dwata i mukum i knayè nawa i to na i duenan mimò dun.

Dad Fngewe 16:25

Nun dalan fandam i to too matlu, bay i gusen i dalan ani di fati.

I Fye Tulen gablà ku Dyisas Krayst i Sulat Luk 16:15

Kabay manan di dale, “Gamu i dad to mayè mimò fye di kite i dad to, bay gadè Dwata i mnè di nawayu. Na i nimò too mabtas di dad to, baling too knang Dwata.

Dad Fngewe 30:12

Nun dad to flingu too ale mlaneb bay i kaglutan, di lam i nawala too ale magagsik.

Dad Fngewe 24:12

Kabay ku balingam man, “Landè gadègu, na landè labetgu di to atù,” bay gmadè Dwata ku tan i mnè di nawam, Du kenen too meye ge, taman gadean i kdee, na bnalasan ge di kdee dad nimoam.

Dyém 1:22

Nang gamu alò flinge Tnaluan na là mimen dun, du ku én nimòyu fangawyu ktoyu. Tooyu nimen,

Galasya 6:3

Ku nun to man nawan mdatah kenen, bay di kaglutan ise kenen mdatah, fangawan i kton.

Dad Fngewe 20:6

Dee dad to dagla i ktola, ale kun too kamdo na too gsalig, bay i kaglutan, too malima mite i to too glut gsalig.

Tafite 2:23

Na fafatigu i dad mlalò kenen, du fye gadè i kdee dad to faglut di sahal banwe agu i gmadè ku tan i mnè di fandam na nawa i dad to, na agu kadang malas i dad mgimòla balù fye demen sasè.

Dad Fngewe 12:15

I to là fulung faldam, fnaglutan slame fye i kdee nimoan, bay i to fulung faldam too flinge i fngewe.

Dad Fngewe 17:3

I to tmilew i blawen na salafì di lifoh, bay Dwata tnandakan nawa i to.