21 Du i dad to matlu, ale sa gamdawat i kafye blé Dwata, na mlawil ale di tah tanà ani.
Gfun i dad to matlu i banwe fakang Dwata dale, na én i gumnèla kel di landè sen.
Ani gmangu du nun duh kadang maklang i nimò dad to sasè, bay i dad to smalig di Amuito Dwata gfunla i banwe fakangan dale.
I to matlu, nun kenen kafye mdà di Dwata landè gutlagan, bay i to sasè, là mlawilan di tah tanà ani.
du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.
Du dad to gumlé Dwata i kafye, dale gamfun i banwe fakang Dwata dale; bay i dad to knangan nawa, falwaan ale di banwe én.
Kabay dad to nun kafdanà nawala i baling mfun kadang i banwe, na too nun klehewla na ktanak nawala di fye knèla ditù.
Kabay én nimòyu, too gamu smalig di Amuito Dwata na mimò fye, du fye nun fye knèyu na landè sasè kel di gamu.
I to fagsalà i satu to fye, kenen baling gamdawat i flayam, bay i to fye, gamdawat i kafye.
Klit i duh gadè i Amuito Dwata kagkah i dad to matlu, na nfunla i banwe fakangan di dale kel di landè sen.