Dad Fngewe 17:2 - Blaan Sarangani

² I salig fulung faldam, kenen kadang magot tingà i amun i landè gukmamu, na nun kadang alelan di knun tagak i amun di dad ngaan di kfatin.

Dad Fngewe 17:2 Referans Kwoze

Dad Fngewe 10:5

I to fulung faldam, kamtu kenen di bang i kaktu, bay magagyà i to ku én balingan nimò kudang di bang i kaktu.

Dad Fngewe 19:26

I tingà mimò sasè di maan na mdal i yéan di gumnean, too sasè na fyaan i dad tuan.

Dad Fngewe 14:35

Too lehew i harì i saligan fulung faldam, bay fanlayaman i saligan mimò magagyà nimò.

Dad Fngewe 29:15

Nun gufye i dad ngà ku tdò na fanlayam ale di gugsalàla, bay i dad ngà tatì fbayà di gugsalàla fyàla kadang i yêla.

Dad Fngewe 11:29

I to mebe i ksamuk di malayan, di gusenan lana i knunan, na i to là fulung faldam, mbaling kenen fasak di to fulung faldam.

Dad Fngewe 17:1

Fye fa ku kmaan ge balù tan i tukay gdè knaan, syan nun ktanak di gumneam, di kmaan ge di bong fista di gumnè i nun ksamuk.

Dad Fngewe 17:3

I to tmilew i blawen na salafì di lifoh, bay Dwata tnandakan nawa i to.