Dad Fngewe 17:10 - Blaan Sarangani

¹⁰ I to nun kaglabat, too mlal tdò balù fa alò fagu di sulê kngak kenen, di to i là fulung faldam, balù fa tamaskél mlatu dulê.

Dad Fngewe 17:10 Referans Kwoze

Tafite 3:19

Nngakgu na bnadasgu i kdee dad to kanbonggu nawa, du fye matdò. Taman tooyu finit i kafaglutyu, na knagolyu i sasè nimòyu.

Dad Fngewe 29:19

Dademe salig là fakay ku tdoam ale fagu di taluam, du balù glabatla i manam dale, là ale flinge.

Dad Fngewe 27:22

Balù fa fakay ndak di sung i to là fulung faldam, knean là magwè di kenen i klandè kfulungan.

Dad Fngewe 19:25

Là fakay ku là fanlayam i to madoy, du fye matdò i to kulang i kfulungan faldam, fye fulung kenen mebe i kton, bay i to nun kaglabat, balù alò nngak, matnù i kaglabatan.

Dad Fngewe 15:5

I to là fulung faldam là mayè flinge i tdò i maan, bay i to dmawat i kngak i maan, fiten i kfulungan mebe i kton.

Dad Fngewe 13:1

I tingà fulung faldam too mayè flinge i fngewe i maan, bay i tingà madoy too là flinge i kngak kenen.

Dad Fngewe 17:9

Ku mayè i to too kando i dad to, nlifetan i dad salàla di kenen, bay ku galan sansulit man i salà i demen to, én gaskah i dad sgalak.

Dad Fngewe 17:11

I to sasè gal mlét i dad to di banwe, taman nun ganlal i landè kakdo salu di kenen na bnalas i sasè nimoan.