Dad Fngewe 15:6 - Blaan Sarangani

⁶ I knun i to matlu là lana di kenen, bay i knun i to sasè tatì lana di kakel i kalima.

Dad Fngewe 15:6 Referans Kwoze

Dad Fngewe 8:21

Na i dad kamdo deg, banlégu ale knun, na tananùgu i mabtas knun i gumnèla.

Dad Fngewe 21:20

Di gumnè i to fulung faldam nun mabtas kandeen na fye nem knaan, bay i to là fulung faldam, too mlal i kafalmon i kdee knunan.

Dad Fngewe 10:22

Én gafnun i to mdà alò di kafye blé Dwata, na i kafye blén là gfun dun fagu di kalgad mimò.

Hibru 11:26

Taman én fandaman balù maflayam kenen di ksilo i dad to, mdatah fa di kenen i kafaglutan di To Mgalék Dwata di kdee knun di banwe Idyif, du i fatanan i untung gdawatan di fulé duh.

Dad Fngewe 16:8

Fye fa ku tukay knunam, syan fagu di matlu i kagweam dun, di bong knunam, bay gweam fagu di klimbung.

Dad Fngewe 15:16

Fye fa i to tukay knunan ku nun klikoan di Dwata, di to nun bong knunan i nun ksamuk.

Dad Fngewe 13:22

I to fye, nun knunan tnagakan di dad ngà i dad ngaan, bay i knun i to gamsalà, gfun i dad to matlu kadang di satu duh.

Salmo 37:16

I tukay nfun i to matlu too mabtas fa di bong knun i dee to sasè,

Dad Fngewe 15:5

I to là fulung faldam là mayè flinge i tdò i maan, bay i to dmawat i kngak i maan, fiten i kfulungan mebe i kton.

Dad Fngewe 15:7

I kbel i gnadè fagu di to fulung faldam, ise ku fagu di to là fulung faldam.

Dad Fngewe 3:33

Too mnè i kalbut Dwata di malay i dad to sasè, bay too mnè i kafye di malay i dad to matlu.