Dad Fngewe 15:4 - Blaan Sarangani

⁴ I fye talù gamlé klawil na ktanak nawa i dad to, bay i sasè talù gamlé tduk di nawa i dad to.

Dad Fngewe 15:4 Referans Kwoze

Dad Fngewe 12:18

I to i là funa fandam i manan gamban salngad i kagban i fais, bay i to fulung faldam, i manan salngad i bulung du gafgulê.

Dad Fngewe 16:24

I fye talù, salngad i tnab too mi i neman, na gafye i laweh.

Dad Fngewe 18:8

I kastugad salék too kanbayan fanlinge i dad to, di dale salngad knaan too fye i neman na too fye nawala mlo dun.

Dad Fngewe 3:18

I to mbaling fulung nun gufyen, na mlawil kenen.

Dad Fngewe 18:14

I to fangalan i nawan di bang i nun fdasan, ani i dalanan tmabeng i kton, du fye mto, bay i to flungay i nawan di nun fdasan, landè imen nawan ku mto fa kenen.

Tafite 2:7

“ ‘Ku nun klingeyu, too gamu flinge i gman Tulus Dwata di gamu dad to faglut. Na i dad to gamfisan i dad sasè mkel di dale di klalòla deg, fankaangu ale kadang i bunge kayu mlé nawa landè sen. Na déén gumnè i kayu ani di banwe Dwata di langit.’ ” Ani man Dyisas di dad faglut di banwe Ifisus.

1 Timoti 6:3

Nè i to tamdò i mahal tdò na là masalngad di too glut tnalù Amuta Dyisas Krayst, na là maslalò i tdò fnaglutito mdà di Dwata,

Dad Fngewe 26:22

I kastugad salék, too kanbayan fanlinge i dad to, di dale salngad i knaan too fye neman na too fye nawala mlo dun.

Dad Fngewe 15:3

I kdee mgimò di klamang banwe teen Dwata, teenan i kdee nimoito balù fye ku demen sasè.

Dad Fngewe 15:5

I to là fulung faldam là mayè flinge i tdò i maan, bay i to dmawat i kngak i maan, fiten i kfulungan mebe i kton.

Dad Fngewe 10:11

I to matlu, galan man i gafye, na gatgal i dad to mlinge imanan, bay i to sasè, gbunin i klabean fagu di kfulungan talù.