Dad Fngewe 14:2 - Blaan Sarangani

² I to mimò matlu, nun klikoan di Dwata, bay i to gal mgaw toon fite landè klikoan di Dwata.

Dad Fngewe 14:2 Referans Kwoze

Dad Nimò 10:35

bay dnawatan i dad to di kdee dad banwe balù simto, ku nafèla kenen na matlu i nimòla.

Dad Fngewe 28:6

Fye fa i to landè ku matlu i nimoan, di to nun knun bay mlimbung i demen to.

Dad Nimò 9:31

Na di bang én, i dad faglut di ku Dyisas di klamang banwe Dyudiya, Galili, na Samériya, fye nawala du talandè samukla. Na too lamnok i kafaglutla, na matnù i kdeela faglut fagu di ktabeng i Mtiu Tulus, na fadlug ale mnè di nun klikòla di Amuito Dwata.

Dad Nimò 10:22

Na tmimel ale, manla, “I gufdumi di ku Kornilyus i kafitan i dad sundalu. Kenen to too matlu, na toon nafè Dwata, na too kenen nafè i kdee dad Dyu. Dek kenen i satu kasaligan mdà di Dwata fngé ge, du fye salu ge di gumnean, du fye lingen i kayeam man di kenen.”

I Fye Tulen gablà ku Dyisas Krayst i Sulat Luk 16:14

Na mlinge i dad Farisi i kdee man Dyisas ani, taman snilola kenen, du too bong nawala filak.

I Fye Tulen gablà ku Dyisas Krayst i Sulat Luk 10:16

Kafnge én, man Dyisas di dad to dekan tamdò, manan, “Ku simto to flinge gamu, salngad ku fanlingen agu, na ku simto to là dmawat gamu, laan agu dnawat. Na i to là dmawat deg, laan dnawat Dwata, i mdek deg.”

Dad Fngewe 19:1

Fye fa i to ku landè na matlu nimoan, di to là fulung faldam na tmulen kéng.

Dad Fngewe 16:17

I to fye mlalò i dalan mawag di ksasè, na i to too fgeye ku tanè i gusalun, landè gaslokan.

Dad Fngewe 11:12

I to madoy i demen to kulang kaglabatan, bay i to nun kaglabat landè manan.

Dad Fngewe 2:15

Na dad to ani, bigkò i dalanla, na là ale gsalig.

Dad Fngewe 16:6

Ku ge satu to too gsalig Dwata na nun kakdom kenen, nlifetan i salaam, na ku nun klikoam di Dwata niwasam i sasè.