Dad Fngewe 14:10 - Blaan Sarangani

¹⁰ Landè to fakay too magin ge di sasè klidù nawam, na landè to fakay too magin ge di too klehew nawam.

Dad Fngewe 14:10 Referans Kwoze

Filifos 4:7

Na ku én nimòyu, kanlungan i nawayu na fandamyu, du mdà di ksasatuyu di ku Krayst, na banlén gamu i ktanak nawa i too là glabat i dad to.

Dad Fngewe 18:14

I to fangalan i nawan di bang i nun fdasan, ani i dalanan tmabeng i kton, du fye mto, bay i to flungay i nawan di nun fdasan, landè imen nawan ku mto fa kenen.

Dad Fngewe 15:13

I to lehew, teenam i klehewan di bawehan, bay i to mlidù, teenam i klidù nawan di bawehan.

Tafite 2:17

“ ‘Ku nun klingeyu, too gamu flinge i gman Tulus Dwata di gamu dad faglut. Na i dad to gamfisan i dad sasè mkel di dale di klalòla deg, banlégu ale i knaan dnagit mana mdà di langit, i tagbuni ditù, na banlégu i kat satu dale i bukay batu. Na déén di batu i gusmulat i falami dagit, bay alò i to gamdawat i batu ani gmadè i dagit gsulat déén.’ ” Ani man Dyisas di dad to faglut di banwe Firgamun.

1 Fiter 1:8

Na balù làyu lmen mite ku Dyisas Krayst, knean bong nawayu kenen. Na balù làyu fa kenen teen, knean too gamu faglut di kenen, na too nun klehewyu, i klehew mdà di Dwata di langit, i làyu gagan tulen i kafyen.

Dyan 14:18

“Tnagakta gamu ani, bay làta gamu tatì bayà gambet i ilu, du samfulê agu lêman di gamu.

Dyan 12:27

Na man Dyisas, “Too msamuk i nawagu! Tan i fye mangu? Ku fnigu di ku Mà, fye falwaan agu di kaflayam fan kel, là sa fye, du i kaflayam ani i duengu salu dini.”

Dyan 14:23

Na tmimel Dyisas, manan, “Nè i to kambong nawa deg, nimenan i dad tdògu, na bong nawa Màgu kenen, na lwe gami Mà mnè di kenen.

Dyénésis 42:21

Kafnge én, stulen i saflanek, manla, “Ani kè i balas di gito di mgimoito di flanekito Dyosif. Du di kafakdon na di kafnin di gito tabeng, na balù teen ito i kaflayaman, là ito flinge. Ani duenan nun kaflayam ani kel di gito.”