Dad Fngewe 13:7 - Blaan Sarangani

⁷ Nun dad to flingu nun knunla balù landè, bay nun dademe dad to flingu landè knunla, balù nun bong knunla.

Dad Fngewe 13:7 Referans Kwoze

Tafite 3:17

Na galyu man, nun bong knunyu, na landè sa gukulangyu, bay làyu gadè i kaglutan, too sasè i kagkahyu, na magakdo gamu, du mbaling gamu dad to landè, na butè i fandamyu, na sadi gamu flaweh.

Dad Fngewe 12:9

Fye fa i to mdanà ku too malgad mimò du fye mto, di to baling tatì flingu kenen bong to, bay mnè kenen di kbitil.

Dad Fngewe 11:24

I to too mlé, too matnù i knunan, bay i to là mayè mlé mbaling kenen landè.

2 Korintu 6:10

Na slaan too mlidù nawami, bay i klehew i nawami di kafye Dwata too gadlug. Na gami dad to landè, bay fagu di gami, dee dad to mbaling ale dad to nun knun landè gusenan. Landè nfunmi, bay balingmi gfun i kdee blé Dwata gami.

2 Korintu 4:7

Na balù alò gami gambet i dad kulang tanà landè alì btas, tasaligan di gami i too mabtas nimò, du fye glabat i dad to i eneg mimò i fimoan gami ise ku mdà di gami bay mdà di kenen.

2 Fiter 2:19

Fakangla di dad to én, balù tan kayèla nimò fakayla nimò, bay dale, magfasak ale di sasè nimò i galla nimò, i gafalmo dale, du balù tan magot i nawa satu to, én sa gumagfasakan.

Dyém 2:5

Kabay dad flanekgu kanbonggu nawa, fanlingeyu agu. Là kè glut na i dad to landè di tah tanà i dad mgalék Dwata, du fye nun too glut knunla, dunan i bong kafaglutla di kenen? Na laan ale kè nalék, du fakufan ale di kagotan di fulé duh i fakangan di to mbong nawa kenen? Hae, too glut ani.

I Fye Tulen gablà ku Dyisas Krayst i Sulat Luk 12:21

Na man Dyisas, “Ani kagkah i kdee dad to samtifun knun dini di tah tanà, bay di kite Dwata landè knunla.”

Dad Fngewe 13:11

I knun gwè mdà di mlal kfagu, too mlal sa lana, bay i knun gwè fagu di tu, too lamnok.

Tafite 2:9

Na ani sa i manan di gamu. Gadègu i bong kaflayamyu na klandèyu. Kabay i kaglutan too bong knunyu mdà di Dwata. Na gadègu gablà di ksasè kastulen i dad to Dyu gablà di gamu. Balù manla too ale glut Dyu, bay kaglutan, Satanas mfun dale.

1 Korintu 4:8

Na man nawayu kè tagdawatyu i kdee tabeng Dwata, na landè gukulangyu? Man nawayu kè taglabatyu kdee gablà di Dwata, du sadi gamu mbaling ulu di kagot Dwata, na balù là gami dmeme gamu? Kabay ise gami fa mgimò ulu du magot i dad to. Na too agu mayè ku glut tamgimò gamu ulu, du fye gakuf gami di kagotyu i dad to.

I Fye Tulen gablà ku Dyisas Krayst i Sulat Luk 12:33

Fabliyu i dad knunyu, na banléyu i dad to landè. Na én kibòyu samtifun knunyu landè kalmo, dunan i knun landè ktin di langit. Na landè to gfusuk ditù du tmaku, na landè kanok gafalmo dun.

I Fye Tulen gablà ku Dyisas Krayst i Sulat Luk 12:20

“Kabay man Dwata di to én, ‘Too kulang i fandamam! Kadang butang ani mati ge, na simto kè mfun i kdee knun tasantifunam? Taise ge.’ ”

Dad Fngewe 13:8

I to nun knun, i knunan gafalwà kenen di agot dad sasè to mantak kenen, bay i to landè, landè to mantak kenen.