Dad Fngewe 13:4 - Blaan Sarangani

⁴ I to là mayè mimò, too dee knibalan, bay landè kiboan gamwè dun, bay i to too mayè mimò, gamwè balù tan i knayean.

Dad Fngewe 13:4 Referans Kwoze

Dad Fngewe 12:24

I to malgad mimò, kenen mbaling to mebe i nimò, bay i to là mayè mimò, landè fye kel di kenen, bay mimò fagu di leges.

Dad Fngewe 12:11

I to too malgad mimò fule nun lukas i knaanan, bay i to mlalò i dad nimò landè gukmamu, landè kaglabatan.

Dad Fngewe 10:4

Ku là ge mayè mimò, én gaflandè ge, bay ku malgad ge mimò, én gafnun ge.

Dad Fngewe 11:25

Nun gufye di to too mlé, du ku tnabengan i dad demen to na lêla kenen tnabeng.

Dad Fngewe 28:25

I to lom too gal smamuk, bay i to smalig di Dwata nun gufyen.

Hibru 6:11

Na i kayèmi moon, ku kat satu gamu, too fadlug di ayèyu fatan i kasfulê Dyisas, du fye gdohò i kdee fatanyu.

Dyan 6:27

Nang gamu faflayam mngabal i knaan di tah tanà lumak malmo, bay én gufaflayamyu mngabal i knaan gumdà nawa landè sen. Na agu, i dnagit Tingà To, i mlé dun di gamu, du tanun ilè di deg na agu i mgalék Dwata Mà mimò dun.”

Dad Fngewe 8:34

Nun kafye di to flinge deg, i to kat i duh mnè déén di bà i takabgu, i to fatan deg.

Dad Fngewe 26:13

I to là mayè mimò galan man, “Ku lamwà agu di gumnègu ken nun labè liyun magu di dalan, na ken kamfè deg,” ani balibadan du fye là mimò.

Dad Fngewe 6:6

I to là mayè mimò, fye ku fafulung kenen faldam salngad i dad gulam, du too ale mimò.

Dad Fngewe 12:27

I to là mayè mimò, laan gwè i knayean, bay i to malgad mimò, nun kafye gwean.

Dad Fngewe 13:3

I to toon fangeye i dad manan, toon nifat i kton, bay i to talù laan funa fandam i manan, falmon i kton.

Dad Fngewe 13:5

I to matlu knangan i là glut, bay i to sasè, sasè na magagyà i nimoan.

Dad Fngewe 20:4

I to malwe mimò, i là mayè dmaru di bang kdaru, landè gwean di bang i kaktu.

Dad Fngewe 21:5

I to funan too fanse faldam ku tan i fanan nimò nun bong untungan di nimoan, bay ku tatì kalyakan mimò, landè gwean.

Dad Fngewe 21:25

I to là mayè mimò, too dee knibalan na én gamfati kenen, du là mayè mimò.

Dad Fngewe 24:30

Glius agu di satu nligo nfun i to malwe mimò na là fulung faldam.

Dad Fngewe 24:31

Na di klamang nligon tatmabò dad bnas nun sual, na salnok i dad dademe sabat, na tamalbà i labatan batu.